BBC navigation

عالی اوقو وزیرلیگی: کابل عالی بیلیم یورتیده دوکتورا صنف لری آچیله دی

Сўнгги янгиланиш 17 феврал 2013 - 12:20 GMT

ایلک بار افغانستان نینگ کابل بیلیم یورتی ده دوکتورا سطح ده عالی معلوماتگه ایگه بولیش مرکزی آچیله دی. ایتیلیشیچه، کیله سی بیر یریم آی ایچیده پشتو و دری ادبیات رشته لریده دوکتورا صنفلری نینگ تدریس درسلری باشلنه دی.

دری و پشتو ادبیات رشته لری ده ماسترلیک صنفلری نینگ تدریس درسلری بیر نیچه ییلدن بویان کابل بیلیم یورتی ده دوام ایتدیریلماقده و ینگی تعلیم ییلیده باشقه 12 رشته ده ماسترلیک درسلری باشلنه دی.

دری و پشتو ادبیات بولیملریده دوکتورا صنفلرینی تدریس قیلیش، افغانستانده دوکتورا سطح ده عالی معلومات بوییچه ایلک تجربه حسابلنه دی.

افغانستان عالی اوقوو وزیرلیگی، دوکتورا بوییچه معلومات صنفلریده بیرینیچی ده افغانلر گه و کیله جک ده ایسه، خارجی لرگه هم زمینه یره تیلیشی ممکنلیگی نی ایتدی.

عالی اوقوو وزیرلیگی اورین باسری محمد عثمان بابری، دری و پشتو بولیملریده دوکتورا معلوماتیگه ایگه بولگن اوستاذلر، تدریس قیلیشی ممکنلیگی باره سیده تاکیدله دی:"بوگون عالی اوقوو وزیرلیگی کابل بیلیم یورتی ده دری و پشتو ادبیات بولیملریده یقین آره ده دوکتورا بوییچه درسلرینی باشله یدی. مین دری و پشتو بولیملریده امکانیت کوپ یخشی دیب اویله ی من. بو حقده استادلریمیز آزبولسه هم ، اما کته علمی منبع و شخصلر هم بار که بو باره ده وظیفه بجریش گه تیار".

ایتیلیشیچه، بیرینچیده اوشبو مرکز 15 اوقووچی نی قبول قیلیب، مذکور رقم کیله جکده آشیریله دی.

اوتگن ییللرده کابل بیلیم یورتیده دری و پشتو بولیملریده هم ماسترلیک بوییچه تعلیم امکانیتلری موجود ایدی، اما اوشبو بیلیم یورت اوستاذ لریدن بیری صاحب نظر دشتی دوکتورا بوییچه تدریس نی تجربه قیلیش ساده بولمه گنی نی ایته دی.

عالی اوقوو وزیرلیگی، ینگی تعلیم ییلیده ماسترلیک بوییچه معلومات آلیشده باشقه 12 بولیم نی هم آچیشی نی نظرده توتگن.

اوشبو وزیرلیککه کوره، حاضرگی کونده، افغانستان بیلیم یورتلریده گی استادلریدن یریم قسمی ماسترلیک و یاهم دوکتورا معلوماتیگه ایگه بولیب، بیر مینگ دن آرتیق افغانستانلیک استاد و طلبه خارج مملکتلری نینگ بیلیم یورتلریده تحصیل آلماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.