BBC navigation

آیساف: افغان رسمیلری کمپاین کوچلری حقیده کوپ تفصیلات بیرمه گن

Сўнгги янгиланиш 18 феврал 2013 - 13:08 GMT

افغانستان ملی خوف سیزلیک کینگاشی،حکومت جوکاتیدن تشقری خارجی لر تمانیدن ایجاد ایتیلگن قوراللی نیچه گروه نینگ بیکار ایتیشسی نی مملکت امنیتی نهاد لریدن طلب قیلگن.

ملی کینگاش اعضالری تمانیدن آلینگن قرار گه کوره، بیر گروه هیئت، خارجی کوچلر بیلن بحثله شیب مذکور قوراللی گروه لر افغانستان خوف سیزلیک کوچلری چوکاتیده کیرتیلیشینی طلب قیله دی.

شونده ی بیر حالده افغانستانده استقامت قیله یاتگن خارجی کوچلر، حکومت نینگ مذکور لایحه سی انیق ایمس ایکن لیگی نی ایتگن.

حاضر محلی پولیس دن تشقری، امریکا لیک لر نظارتی آستیده فعالیت قیله یاتگن کمپاین دیگن بیر گروه هم فعالیت قیلماقده.

سونگی پیت لرده مملکت نینگ ایریم بولگه لریده اینیقسه میدان وردگ ولایتیده یولگه قوییلگن حربی عملیات آرتیدن، افغانستان دولتی، خارجی لر تمانیدن ایجاد ایتیلگن قوراللی گروه لر فعالیتی نی کیچیکتیرماقچی بولگن.

افغانستان ملی خوف سیزلیک کینگاشی نینگ مقصدی قه یسی کوچلر ایکنلیگی هم هنوز گه قدر بیللی بولمه گن اما حاضر افغانستان نینگ یوزلب مینگ خوف سیزلیک کوچلری یانیده مملکت نینگ جنوب و جنوب شرقی حدودیده کمپاین اسمی بیلن فعالیت قیله یاتگن بیر گروه بار.

مذکور گروه امریکا لیک لر افغانستانگه کیلیشی بیلن ایجاد ایتیلیب، مذکور کوچلر قرار گاه لری نینگ امنیتی نی تامینلش، پاکستاندن عصیانچیلر افغانستانگه کیریشی نینگ آلدینی آلیشی و مملکت قشلاق لریده حربی عملیات یولگه قوییلیشی مقصدی بیلن ایجاد ایتیلگنی ایتیله دی.

خوست ولایتی کینگاشی اعضالریدن داوود شاه مکین زوی نینگ معلوم قیلیشیچه، مذکور ولایت ده قریب ایککی مینگ قوراللی کمپاین کوچلری اسمی بیلن امریکالیک لر حمایتی بیلن فعالیت قیله دی.

" خوست گه اورنه تیلگن تینچلیک، خود شو کمپاین کوچلر طریقیدن کیلگن. چیگره ده یخشی فعالیت قیلگن، همده دشمن، یا طالبان ویا القاعده مذکور ولایت گه کیرمس لیک اوچون ساحه لرنی باغلب قویگن. بو مسئله اوچون انچه یخشی دیر لیکن بیر قنچه اشتباه لری هم بار. یعنی کیچه تمانیدن امریکالیک کوچلر بیلن بیرگه لیکده عملیات یولگه قوییب، بیر قنچه حادثه لر یوز بیره دی. خوش ولایتی کینگاشی ولایت مقامی بیلن بیرگه بو مسئله اوچون کوز قره تیش اوچون امریکالیک لر گه مکتوب جونه تگن."

بیر قنچه کوزه توچیلرگه کوره، خوف سیزلیک مسوولیت لری نینگ خارجی لردن افغان کوچلری گه بیریش جریانیده افغانستان دولتی، خودمختار کوچلر نینگ فعالیت قیلیشیدن خواطرلنگن. اما بوندن آلدین افغان رسمیلری، دولت نهاد لری بیلن فعالیت قیله یاتگن تشکیلات لر حقیده اوز قرشی لیگی نی بیلدیریب کیلگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.