BBC navigation

کویته ده گی هزاره لرهلاکتی اوچون لندن و کابلده، بیر قطار مدنی شخص لر آچلیک اعلام قیلگنلر

Сўнгги янгиланиш 20 феврал 2013 - 08:05 GMT

بریتانیاده استقامت قیله یاتگن بیر قنچه هزاره لر، پاکستانده گی هزاره لر قرشی سیده جنگوی گروهی تمانیدن یولگه قوییلگن عصیان چیلیک هجوم اوچون، آچیلیک اعلان قیلگن لر.

مذکور اعتراضچیلر بریتانیا نینگ ایریم شهر لریدن کیلیب، مذکور مملکت پارلمانی بناسی قرشی سیده یغیلگن لر.

اوتگن سه شنبه کونی کویته شهری بازارلری نینگ بیریده یولگه قوییلگن عصیانچیلیک هجوم نتیجه سیده 84 کیشی هلاک بولیب و 169 کیشی نی یردار قیلدی. مذکور هجوم مسوولیتی نی ایسه، لشکر جنگوی اوز ضمه سیگه آلگن.

لندن ده آچیلیک اعلان قیلگن لردن بیری ابراهیم سروری، یولگه قویگن اعتراض لریدن اساسی سبب، بریتانیا دولتی مذکور هجومنی قاره له یشی و پاکستان نینگ بو مسئله توغری سیده فشار آستیده کیلتیریشی نی طلب قیلیشی دیر دیب معلوم قیلگن.

مذکور اعتراض، لندن ده گی هزاره لر کینگاشی نامه فعالیت قیله یاتگن بیر گروه تمانیدن یولگه قوییلگن.

شو نینگ دیک پایتخت کابلده هم اونلب مدنی فعاللری هزاره لر قرشی سیده پاکستان نینگ کویته شهری ده یولگه قوییلگن عصیانچیلیک نی محکوم قیلیش اوچون آچلیک اعلان قیلگن لر.

بو اعتراض چیلر بیرلشگن ملت لر تشکیلاتی نینگ کابلده گی نماینده لیگی یقینیده یغیلگن لر.

اعتصاب قیلگن لر قطاریده بیر قنچه خاتین قیزلر هم کوزگه کورینه دی.

آچلیک نی اعلان قیلگن لردن بیری خانم زهرا سپهر، بیرلشگن ملت لر تشکیلاتی، جنگوی ترماغی نی مذکور تشکیلات قره لستی گه کیرتیشی طلبی بیلن بو یغین نی یولگه قویگن لیک لرینی بیان ایته دی.

عین زمانده پاکستانده هزاره لر هلاک ایتیلیشی اوچون کابلده یولگه قوییلگن اعتصاب لردن بیر قنچه سیاستچی لر و پارلمان اعضالری هم آچیلیک اعلان ایتیلگن منطقه گه کیلیب، اوز آرقه داشلیکلرینی بیان ایتگن لر.

ملی جبهه رییسی احمد ضیا مسعود، افغانستان قدیمکی پادشاه سی امان الله خان نینگ قیزی، شاهدخت اندیانا، پارلمان اعضالری محی الدین مهدی، شاه گل رضایی، حفیظ منصور، بکتاش سیاووش و احمد بهزاد شو نینگ دیک کابل بیلیم یورتی استاد لریدن خانم حمیرا قادری، هزاره لر اولدیریلگنی اوچون آچلیک اعلان قیلگن لردن حضوری شکلده حمایت قیلگن لر.

کویته شهریده هزاره لر قرشی سیده یولگه قوییلگن هجوم لر 2005 ییلدن بیری باشله نیب، سونگی پیت لرده کوپراق یوز بیرماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.