BBC navigation

قندوز ده ناتو هوا کوچلری تمانیدن عملگه آشیریلگن هجومده، تورت تینچ اهالی هلاک بولگن

Сўнгги янгиланиш 21 феврал 2013 - 13:03 GMT

قندوز محل اهالیسی گه کوره ، اوتگن کیچه ناتو کوچلری تمانیدن خواجه غلتان قیشلاغیده اویوشتیریلگن هوا هجومده تورت تینچ اهالی حیاتی نی قولدن بیرگن، اما پلیس اولگنلر عصیانچیلر بولگنینی ایتماقده.

بی بی سی نینگ قندوز ده گی درکچیسی نینگ بیرگن معلوماتیگه کوره، اهالی اولگنلرنینگ جسدلرینی اوزلری بیلن کوته ریب، قندوز شهریگه آلیب کیلیب، نمایش اویوشتیرگنلر. ‎

عایله اعضالریدن تورت کیشی نی اوشبو هجومده قولدن بیرگن ضیاالحق نینگ ایتیشیچه، اوزی محلی پولیس اعضالریدن بولیب، حادثه چاغیده مذکور کوچلر بیلن قندوز نینگ هوا میدانیده همکارلیک قیلماقده ایدی.

اونگه کوره، اونینگ اوییدن پولیس کوچلری نینگ قولیگه توشگن برچه قوراللر، افغان خوفسیزلیک کوچلری گه تیگیشلی بولیب، او و اونینگ عایله اعضالری، دولتگه قرشی عصیانچیلر بیلن هیچ قنده ی علاقه لی بولمه گن.

قندوز تینچلیک عالی کینگشی ریسی اسدالله امرخیل هم، مذکور شخصلر تینچ اهالی ایکنلیگی نی ایتگن.

قندوز پولیس اداره سی سوزلاوچیسی سیدسرورحسینی ، اوشبو کوچلر، مذکور بنا اعضالری افغان خوفسیزلیک کوچلری بیلن توقنشگن بیر چاغده، ناتو کوچلری دن هوا یاردم سوره گنی نی معلوم قیلگن. اونگه کوره، اوشبو توقنه شووده، ایکی پولیس عسکری هم هلاک بولگن.

‎محل اهالیسی، بی بی سی درکچیسیگه، حادثه شخصی دشمنلیکلر باعث یوزبیرگنی نی ایتگنلر.

افغانستان جمهور رییسی حامدکرزی، بوندن بیر نیچه وقت آلدین، استقامت جایلر گه ناتو دن هوا یاردم سوره مسلیگی باره سیده فرمان صادر قیلگن ایدی.

هوا دن اویوشتیریله دیگن هجوملرده، تینچ اهالی تلف بوله یاتگنی، اهالی نینگ اعتراضیگه سبب بولیب کیلماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.