BBC navigation

ایچکی ایشلر وزیرلیگی: بی بی سی نینگ پلیس حقیده تیارله گن حساباتی جدی تیکشریله دی

Сўнгги янгиланиш 25 феврал 2013 - 13:06 GMT

افغانستان ایچکی ایشلر وزیرلیگی بی بی سی تمانیدن تیارلنگن حسابات اوستیدن تیکشرو آلیب باریشینی تاکیدلب بوکبی عیبلاولر پلیس خذمتلریگه فتور یتکزمسلیگینی ایتگن.

بی بی سی تمانیدن افغان پلیس حقیده تیارلنگن حسابات ایچکی ایشلروزیرلیگی نینگ جدی مناسبتی بیلن دوچ کیلدی.اوشبو وزیرلیک مسووللری اوزاق منطقه لرده ایریم پلیس خادملرینی ناقانونی ایشلرگه قول اوروشلری پلیس نینگ قیله دیگن ایشلریگه هیچ فتور یتکزمسلیگینی اورغوله دی.

ایچکی ایشلر وزیرلیگی سوزچیسی پلیس چوکاتیده فساد کبی غیر قانونی ایشلرگه قولی بولگن پلیس عسکرلری هم بارلیگینیی مطلقا رد ایتمی ایریم پلیس عسکرلری شوندی عیبلاولر بیلن جزالنگنینی هم ایتدی.

شونگه قوشمچه ایچکی ایشلر وزیرلیگی سوزچیسی صدیق صدیقی بی بی سی تمانیدن نشر ایتلگن گزارش دقیق تیکشریلشینی اورغولب بوحقده شوندی دیدی:"بیرینچیدن بو بیر عیبلاو بولگن، بونینگ تیکشریلیشی لازم، اگر بیزنینگ هیاتی میز خدا قیلمه سین شوندی عمللرگه قولی بولگن پلیس لرنی انیق له سه بیزنینگ مناسبتی میز جدی بوله دی.اوتمیشلرده هم ایریم پلیس عسکرلری نینگ بعضی بیر ناقانونی ایشگه قولی بارلیگی انیق له نیب اولربیلن جدی یانداشیلگن ایدی."

بی بی سی تمانیدن تیارلنگن گزارشده ، امریکا لیک مصلحتچیلریدن بیری نینگ اظهارات لرگه ماس، هلمنده گی پلیس عسکرلری بچه بازلیک، مردم نینگ اذیت قیلیش حاللریگه قوللری بارلیگی علیحیده تاکیدلنگن. صدیقی جنابلری شوندی بیروضعتنی کورگن مصلحتچی اوزی هم بوخصوصده مسوول دیه فکر بیلدیردی:"اگر مصلحتی چی تمانیدن قوییلگن عیبلاو لر حقیقت گه یقین بولسه ، بو مصلحتچی هم مسوول دیر، اولرپلیس گه مصلحت بیره دی، شوندی وضعتینی کورگن حالده پلیس اوز امرلریگه بو معلومات بیریشی لازم ایدی. بیز کبی عیبلاولرنی تصدیق قیله المی میز بیزنینگ وعده میز بو موضوع نی جدی تیکشریش بولگن دیدی صدیقی جنابلری."

بوندن الدین هم افغانستان پلیس کوچلری چوکاتیده، مخدر ماده لرگه چلنگن شخصلر موجودلیگی ایتلگندی، همده ایریم حالت لرده بعضی بیر پلیس خادملرینی عصیانچیلر بیلن علاقه دارلیکده بولگنی باره سیده هم میش میش لر یوزه چیققن ایدی ایدی شوباعث افغانستان ایچکی ایشلروزیرلیگی پلیس چوکاتیده اصلاحات الیب کیلیش اوچون ایریم برنامه لرنی قول اوستیگه آلینگن حاضرگه قدر پلیس اداره لریده اصلاحات کیرتیش رسمیلرگه کوره ایریم ریجه لر دوام ایتماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.