BBC navigation

یوناما: تینچ فقرا جانینی سقلش اوچون طالبان بیلن مذاکره قیلیشگه تیارمیز

Сўнгги янгиланиш 26 феврал 2013 - 12:43 GMT

بیرلشگن ملتلر تشکیلاتی تینچ فقرا جانینی سقلش اوچون طالبان بیلن مذاکره قیلیشگه تیارایکنینی ایتگن، عینی حالده اوشبو تشکیلات طالبان نینگ بوباره ده یوله گن اچیق مکتوبینی خوش قرشی لب ، مذاکره اوچون تمایل کورسه تیش دیه بهاله گن.

بیرلشگن ملتلر تشکیلاتی هردایم اوروش تمانلری نینگ تینچ فقرا تلفاتینی الدینی الیشیگه اعتبار قره تیشلرینی تاکیدلب کیلگن، اما اوشبو تشکیلات عادی اهالی جانینی سقلش اوچون بیرینچی مرته دیرکه طالبان بیلن بوخصوصده مذاکره قیلیشگه تیارایکنینی ایته دی.

بوایسه طالبان نینگ اوشبو تشکیلات تمانیدن چیقاریلگن حسابتیده بیلدیرگن مناسبتیدن سونگ الغه سوریلماقده.

چونکی طالبان گروهی اوز بیاناتیده بیرلشگن ملتلر تشکیلاتی، عادی اهالی تلفاتی باره سیده تیارله گن حساباتیده طرف سیزلیکنی نظرده توتمه گنینی ایتگن ایدی.

بیرلشگن تشکیلاتی نینگ افغانستانده گی سوزچیلریدن بیری خانم مبارز عادی اهالی جانینی سقلش اوچون طالبان بیلن مذاکره گه حاضر ایکنینی ایتدی:"اوروشلر جریانیده تینچ فقرادن حمایه قیلیش بیرلشگن ملتلر تشکیلاتی نینگ وظیفه سی حسابلنه دی، شوباعث طالبان گروهی بیلن فایده لی بیر مذاکره گه اولتریشگه تیار. چونکی نیچه ییلدن بیری،افغانستانده یوزبیریب کیله یاتگن اوروشلرده تینچ فقرا قربان بولیب کیلماقده، بو جهت دن افغانلر کوپ خساره کورگن."

میلادی 2012 ییلده بیرلشگن ملتلر تشکیلاتی تمانیدنعادی اهالی تلفاتی باره سیده تیارلنگن حساباتیده تلفات نینگ سکسن بیر فایزی طالبان گه نسبت بیریلگن ایدی.

طالبان گروهی بیر اچیق مکتوب یوللب، بیرلشگن ملتلر تشکیلاتی بیطرف بیر تشکیلات صفتیده طالبان بیلن علاقه قورگن می دیگن سوالنی بیرگن، همده ماینلر کیم تمانیدن جایلشتریلگن، نیگه عادی اهالی نشانگه الینه دیگن سوراق لرهم اوشبو مکتوبده کیرتیلگن.

بیرلشگن ملتلر تشکیلاتی نینگ سوزچیسی اظهارایتگه قره گنده، طالبان نینگ بوکبی مناسبتی اوشبو گروه نینگ مذاکره گه رغبت کورسه تیشی دیه تعبیر ایتیله دی.

طالبان گروهی بیرلشگن ملتلر تشکیلاتی نینگ مذکور تکلیفیگه هیچ قندی مناسبت بیلدیرمه گن.

اوزینی طالبان سوزچیسی دیب تانشتیرگن، ذبیح الله مجاهد نینگ بی بی سی گه ایتییشچه اوتمیشلرده تینچ فقرا تلفاتینی کمیتریش اوچون مخصوص بیر کمیسیون تشکیل ایتیلیشی اوشبو گروه تمانیدن طلب قیلینگن، اما اولرنینگ بو طلب لریگه هیچ قندی اعتبار قره تیلمه گن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.