BBC navigation

" افغانستانده بانک فعالیت لری قیته کوریب چیقله دی"

Сўнгги янгиланиш 27 феврал 2013 - 13:22 GMT

افغانستان تجارت اتاقی، بانکدارلیک تیزیمی اوتگن بیردهه ایچیده یخشی مدیریت بولمه گنلیگی باعث، اساسی فعالیتلرنی قیله آلمه گنینی ایتگن.

سرمایه یاتقیزوچی بانکلر مسووللری، اوتگن بیردهه ده بانک صنعتی قنده ی بولگنینی تیکشریش اوچون، بوگون کابلده بیر یغیلیش اوتکزدیلر.

افغانستان مرکزی بانکی گه کوره، باشقه خصوصی بانکلر بیلن بیرگه بانکدارلیک وضعیتینی تیکشریب کیله یاتگنینی اورغولب، کیله جک بیردهه ده، بانکدارلیک فعالیتینی انه شوو تیکشیروو نتیجه سی گه ماس ریجه لشتیریلشینی معلوم قیلگن.

افغانستانده بیردهه ایچیده زمانوی بانکلر صفتیده، یخشی فعالیت آلیب بارگن بانکلردن اون تورته سی خصوصی بولیب، وباشقه اوچته سی ایسه دولت بانکی بولگن.

طالبان حاکمیتی اغدریلگنیدن سونگ، زمانوی بانکدارلیک افغانستانده ینگی بیر تجربه ایدی، 1383نچی قویاش ییلیده مردم نینگ بانککه تاپشرگن مبلغ لری 300 میلیون بولیب، بومبلغ ایسه ییل اوتیشی بیلن کوپیدی.0 139 نچی قویاش ییلده بومبلغ تورت اعشاریه بیش میلیارد دالرگه ییتدی.

اما، کابل بانک نینگ انقراض بیلن دوچ کیلیشی، مردم تمانیدن اوشبو بانککه تاپشریلگن بیرملیارد دالر بانک رهبرلرینی فساد قیلگنی باعث یوقالدی.

زمانوی بانکدارلیک تیزیمیدن اون ییل اوترایکن، ایندی لیکده سرمایه یاتقزوچیلر وبانک مسووللری بوعرصه ده کیلگن یوتوق، موجود قیینچیلیک، وکیله جک ریجه اوستیگه بحث قیلیش اوچون اوز ازا یغیلگنلر.

افغانستان تجارت اتاقی نینگ رییسی قربان حقجو، تجربه سیزلیک ویخشی نظارت بولمه گنی، کابل بانک نینگ مالی بحرانگه دوچ کیلیشگه سبب بولگنینی ایتب، بومسله بانکلر اعتبارینی کمیتریگنینی ایتدی:"بانکدارلیک خصوصیده نه دولت و نه خصوصی سکتورنینگ ییترلی تجربه سی بارایدی، بوندن کوره هم خصوصی بانکلر قرضه بیریش وقنده ی ایش آلیب باره یاتگنی نظارت بولمس ایدی. باشقه تماندن، کابل بانک رهبرلری آلدینلر صرافلیک تجربه سیگه ایگه ایدی، اولر بو تجربه نی زمانوی بانکدارلیک تیزمیگه کیریتدی. همده موجود فساد کابل بانکن نینگ بحران گه دوچ کیلیشگه سبب بولدی."

میلادی 2014 ییلدن سونگ، افغانستانده وضعیتی قنده ی بولیشی هیچ کیمگه معلوم ایمس. بومسله هم سرمایه یاتقزوچیلرنی جدی تشویشلنتیرگن. باشقه تماندن بانک مسووللری نینگ سیاستگه کیریشی یاده بانک مسووللرینی بیرشلکده سیاستگه کیریشیلری هم، بانکلر اعتبارینی تابا ره کمیتیرگنی ایتیله دی.

بانک لرده ضمانت بولمه گنی باعث، کتته خساره کورگن انجنیرامان الله بارز، شونده ی حالت اوزی قوشیمچه کوپلب انسان لرنینگ ضرر کورگنیگه سبب بولگنینی ایتدی.

اما مرکزی بانک رییسی نورالله دلاوری، بانکلر خصوصیده مردم ایشانچینی ارتیریش اوچون بانکدارلیک قانونی و بانکلر وضعیتی نینگ قیته کوریب چیقیلیشینی تیلگه آله دی:"قینچلیک لری میز بارایدی هلی هم بار، هرچندزمانوی بانک رواجلنگنیدن اون ییل اوته دی لیکن قینچلیک لر برطرف بولمه گن، کابل بانک انقراضیدن قولگه کیریتگن تجربه میز اساسیده حتی بانکدارلیک قانونیگه اوزگریش الیب کیلدیک کیله جکده باشقه بانک لرهم شوندی معما بیلن دوچ کیلمه سین.بوکبی سعی حرکت نتیجه سیده بانک لرنی مسوون وفعال بولیشیگه امید بیلدیره میز."

بو یغیلیش ده آلینگن قرار، عملده تطبیق ایتلیشی اوچون افغانستان حکومتی نینگ اقتصادی کینگاشیگه تکیلیف ایتیلیشی کوتیله دی. شونگه علاوه بانکدارلیک تیزمیده ایشلب کیله یاتگن شخصلر و سرمایه یاتقزوچیلر بوعرصه ده دولت نینگ تولیق حمایت بیلدیریشینی طلب قیلماقده لر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.