BBC navigation

راسموسن: 2014 نچی ییلدن کیین یاردملریمیز نی افغان حربی لرینینگ تعلیم ساحه سیده عملگه آشیره میز

Сўнгги янгиланиш 4 март 2013 - 13:22 GMT

ناتو تشکیلاتی 2014 نچی ییلدن کیین، افغانستانگه کورسته یاتگن یاردملری نی، اوشبو مملکت نینگ تورلی بولیملرگه بیرگن سوزلرینی عملی قیلیش شرطی بیلن، عملگه آشیریشی نی اظهار ایتگن.

اندرس فوگ راسموسن بوگون جمهور رییس کرزی بیلن قوشمه مطبوعات انجمنیده چیقیش قیلیب، افغانستان نی 2014 نچی ییل دن کیین، کیسکین حمایه قیلیشی نی اعلان قیلدی.

باشقه تماندن جمهور رییس کرزی پاکستان عالملر کینگاشی نینگ سونگی اظهاراتینی افسوسلنرلی دیب، مذکور سوزلر عصیانچیلیککه قرشی کوره ش توغریسیده جدی آدیم لر کوته ریلمسلیگی نی کورسه ته دی دیدی.

افغانستان دولتی و ناتو تشکیلاتی نینگ علاقه لری نیچه ییلدن بیری یخشی و گاهی هم یمان بولیب کیلگن، لیکن شونده ی بولسه هم مذکور تشکیلات باشلیغی افغانستان اوچون ناتو تمانیدن بیریله یاتگن یاردملر 2014 نچی ییلدن کیین هم کوچلی شکلده دوام ایتدیریلیشی اوستیده تاکید له گن:" بیز ایشانچی میز کامل بولیشی اوچون جوده هم مهم دیر که افغانستان حکومتی قانون نینگ تطبیق ایتیش، فسادگه قرشی کوره شیش و عیاللر حق و حقوقی تامین لنیشی توغری سیده بیرگن وعده لرینی عملی قیلسه. چونکه بو مسئله خوف سیزلیک نینگ تامین له یشی و خلق ارا یاردم لرنینگ جذب قیلیشیگه مهم اورینی بار. شک سیز که بو توغریده قیینچلیکلر موجود اما بونگه هم شک یوق که افغانستان بو قیینچیلیک لرنی اورته دن ایلته دی."

بوگونگی مطبوعات انجمنیده، راسموسن جنابلریگه میدان وردگ و کنر ولایتلریده گی مسئله لری توغریسیده هم سوال بیریلدی، اما او اوشبو سوالگه بتفصیل جواب قیتیرمه دی.

راسموسن جنابلری مذکور مطبوعات انجمنی دن کیین، بی بی سی بیلن مخصوص صحبت اوتکزیب، ناتو تشکیلاتی 2014 نچی ییلدن کیین، افغانستانده اوز فعالیتلرینی تعلیمی ساحه سیده عملگه آشیریب بو مسئله افغانستان دولتی بیلن بیر کیلیشوو نامه اساسیده بولیب اوتیشی نی تاکیدله دی.

او، ناتو تشکیلاتی نینگ افغانستانده گی اعضالری نینگ مصوونیتی توغریسیده هم علحیده تاکیدلب اوتدی.

کرزی جنابلری مذکور مطبوعات انجمنده پاکستان عالملری کینگاشی نینگ افغانستانده خودکشلیک هجوملری حلال دیب ایتگن سوزلرینی افسوسلنرلی دیب بیان ایتگن.

کرزی جنابلریگه کوره، پاکستان عالملرکینگاشی نینگ سوزلری عصیانچیلیک گه قرشی کوره شیش اوچون هیچ قنده ی جدی حرکت یوق لیگی نی کورسته دی دیدی:" نه فقط تروریزم گه قرشی عملی بیر آدیم کوتاریلمه دی بلکه، پاکستان عالم لر کینگاشی نینگ رییسی همده پاکستان نینگ افغانستان عالم لری بیلن یغین اوتکزماقچی بولگن هیئت نینگ رییسی هم ایدی، کنفرانس نی یولگه قوییشی اورنیده، افغانستانده خودکشلیک هجوم جایز دیر و یخشی دیر دیب اعلان قیلدی. طبیعی که، افغانستان مردمی بو سوز لردن اوز نتیجه سینی آله دی و طبیعی دیر که بو کوره میز عملی شکلده عصیانچیلیک گه قرشی آدم کوتاریلمه یدی."

ناتو باش کاتبی شونینگ دیک، افغانستان ده انتحاری هجوم جایز ایکنلیگی نی قاره لب، اولر هردایم پاکستان حکومتیدن افغانستان بیلن بولگن چیگره حدودلرده قوراللی عصیانچیلرگه قرشی کیسکین کوره شیشی نی سوره ب کیلگنلرینی ایتدی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.