BBC navigation

کابل بانک بحرانی سببچیلری محکمه گه بولدی

Сўнгги янгиланиш 5 март 2013 - 12:28 GMT

کابل بانک نینگ بحرانی گه سببچی دیب تانیلگن 21 شخص محکمه تمانیدن جزا تعیین بولدی.

عیب لنگن لر آره سیده، کابل بانک نینگ قدیمکی ایککی باشلیغی بیش- بیش ییل قماق جزاسی و 700 ملیون دالر دن کوپراق پولنی قه یتریب بیریشگه محکوم ایتیلدیلر و باشقه عیبدار شخص لر هم آزارق قماق جزاسی و نقد پول جریمه توللش گه محکوم بولگن لر.

کابل بانک افغانستان نینگ بیرینچی خصوصی بانکی بولیب، بوندن قریب ایککی ییل آلدین قلاب کارلیک لر یوز بیریشی آرتیدن بحران گه ایلنیب، کیینچه لیک مذکور بانک قرضلرینی افغانستان حکومتی توله دی.

کابل بانک بحرانی گه سببچی بولگن عیبدار 21 شخص نینگ محکمه سی آچیق شکلده یولگه قوییلدی. اما مذکور رقم دن 17 کیشی سی محکمه گه حاضر بولیب باشقه سی غایبانه شکلده جزاگه محکوم ایتیلدی.

مذکور بانک نینگ سابق ایککی باشلیغ لریدن شیرخان فرنود 278 ملیون دالر و خلیل الله فیروزی 530 ملیون دالر نی قه یتریب بیریشی یانیده، هر قه یسی بیش- بیش ییل قماق جزاسی گه هم محکوم ایتیلدی.

مخصوص محکمه باشلیغی شمس الرحمن شمس محکمه قراری نی بونده ی اعلان قیلدی:

" سین فقیر محمد اوغلی خلیل الله فیروزی کابل بانک نینگ اجرایی رییسی کابل بانک پوللرینی آلیش قضیه سیده، جزا قانونی نینگ 466 نیچی ماده سی و آلتینچی ماده سی گه بناء 539 ملیون و 988 مینگ و 240 امریکالیک دالرنی قیته دن بیریشی یانیده، نظارت بولگن نینگ پیتی دن باشله ب، بیش ییل لیک تنفیذ حبسیگه محکوم بولدینگ. و محمد مراد اوغلی شیرخان فرنود، کابل بانک نینگ مدیره هیئتی نینگ رییسی، بانک پوللرینی آلیش قضیه سیده شریک بولگنینگ اوچون 278 ملیون دالر نی قه یتریب بیریشینگ بیلن علاوه، بیش ییل قماق جزاسیگه محکوم بولدینگ".

مذکور محکمه افغانستان بانکی نینگ قدیمکی رییسی عبدالقدیر فطرت بیلن بیرگه ینه بیر قنچه شخص نی کابل بانک بحرانی گه قوللری بولگنی اوچون غیابی شکلده جزاگه محکوم قیلگن. اما حاضر فطرت جنابلری امریکا گه حیات کیچیرماقده.

محکمه بیر قنچه عیبدار تانیگن شخص لرنی قماق جزاسیگه و ینه بیر قنچه سینی هم پول توللش گه محکوم قیلدی.

کابل بانک بحرانگه ایلنگنی بیلن افغانستان حکومتی نینگ بیر قنچه جدی قیینچیلیک لر بیلن یوزمه یوز قیلدی. مذکور بانک بحرانگه کیتشی آرتیدن، خلق ارا پول صندوقی افغانستان دولتی گه بیره یاتگن قرضه لرینی بیر مدت گه قدر توخته تیب قویدی.

کابل بانک بحرانی گه ینه جمهور رییس کرزی اوکه سی محمود کرزی و کرزی نینگ اورین باسری اوکه سی حصین فهیم اسملری هم ایتیلگن اما قاضی شمس الرحمن شمس ایسه حاضر گه قدر بو ایککی شخص نینگ دوسیه لری جریانده بولیب و قاره لاوچیلیک اداره سی تمانیدن محکمه گه کیلمه گنی تیلگه آلگن.

" ایککینچی بولیمیده قرار تاپگن 13 کیشی نینگ قضیه لری حاضرگه قدر محکمه گه کیلمه گن. و کابل بانک نینگ تصفیه قیلیشی اداره سی تمانیدن تیکشیریلماقده. مذکور دوسیه لر تکمیل بولیشی بیلن قاره لاوچیلیک تمانیدن تعقیب بوله دی."

میلادی 2009 نچی ییلده کابل بانک 830 ملیون دالرنینگ قانون سیزشکلده قرض بیریشی مذکور بانک بحرانگه یوزمه یوز بولدی.

مذکور بانک بحرانگه ایلنیشی بیلن، بیر قسمی نی افغانستان مالیه وزیرلیگی آلیب ینگی کابل بانک اسمی بیلن فعالیت لرینی دوام بیرماقده و کابل بانک نینگ باشقه قسمی ایسه حاضر هم تیکشیریش آستیده دیر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.