BBC navigation

ونزویلا جمهور رییسی اولیمی آرتیدن 30 کون ایچیده سیلاو اعلان قیلیندی

Сўнгги янгиланиш 6 март 2013 - 12:27 GMT

ونزویلا تشقی ایشلر وزیری خاوا مملکت جمهور رییسی هوگو جاویزنینگ وفاتی آرتیدن ییتی کونلیک ماتم اعلان قیلگن.

جناب خاوا جمهور رییس نینگ جسدی، طنطنه لی یوریش بیلن پایتخت کاراکاسده گی حربی اکادیمیگه آلیب باریلیشینی بیلدیردی.

جمهور رییس نینگ جسدی اکادیمیده جمعه کونیگه چه قاله دی. جمعه کونی دولت دفن مراسمی بولیب اوتیشی ریجه لنگن.

دفن مراسمیگه چه، چاوز نینگ طرفدارلری او بیلن وداع لشیشلری ممکن بوله دی.

جناب خاوا، شونینگ دیک، کیلگوسی اوتیز کون ایچیده سیلاولر اعلان قیلینیشینی بیلدیردی.

مخبریمیزگه کوره، سیاسی حزب لر اوچون بیر دقیقه مهم. تحلیلچیلرگه کوره، جمهور رییس نینگ اورینی نی جناب چاوز تمانیدن میراث خوار دیب تنلنگن ویتسی پریزدینت نیکالس مدورا موفقیتلی ایلگه له یشی کوتیله دی.

مخالفت هلی اوز زسمی نامزدینی اعلان قیلگنی یوق، لیکن اوتگن ییلی مغلوب بولگن نامزد اینریک کپریلس ینه پایگه گه قوشیلیشی کوتیله دی.

کاراکسده گی مخبریمیزگه کوره، ییتی کونلیک ماتم دوامیده مکتبلریاپیقلیگیچه قاله دی و وینزویلا کوچلری ایسه آدملر بیلن توله دی.

سرطان

ونزویلا جمهور رییسی هوگو چاوز 58 یاشیده آغیر خسته لیکدن سونگ حیاتدن کوز یومدی.

بو حقده اونینگ ویتسی- پریزدینتی تلویزیون آرقه لی اعلان قیلدی.

چاوز جنابلری اوتگن آی کیوباده سرطانگه قرشی معالجه آلیب قیتگنی دن بیری عامه اونگیده کورینیش بیرمه یاتگن ایدی.

چقور قیغوده چیقیش قیلگن ویتسی- پریزدینت نیکولاس مدورا اونینگ عالیم توغریسیده گی خبرنی سه شنبه کونی کیچقرون خلقگه ییتکزدی.

بو پیتده ونزویلا نینگ یتکچی سیاستچیلری و حربی رهبرلری اونینگ یانیده توریشدی.

اولراق، ویتسی- پریزدینت مدورا کیمیاوی تیره پیه طفیلی کوچسیزلنگن چاوز جنابلری نینگ نفس یوللریده ینگی انفکته سیه انیقلنگنی حقیده اعلان قیلگن و مملکت رهبری اوز حیاتیده گی اینگ قیین ساعتلرنی باشیدن کیچیره یاتگنی نی ایتگن ایدی.

عین پیتده جناب مدورا امریکا قوشمه ایالت لرینی ونزویلا دیموکراتیگی نی برباد ایتیشده عیبلنگن و ونزویلا حربی سیگه جاسوسلیک قیلگنی اوچون ایککی امریکا دیپلوماتی مملکتدن چیقریلیب یوباریلگنی نی هم بیلدیردی.

ونزویلا ماتم...

هوگو جاوزگه ایلک بار 2011 ییلی سرطان تشخیصی قوییلگنی باره سیده گی خبر ونزویلا دشمن لری تمانیدن جیرکنچ یولده اویلنگنیگه شبه قیلمه گنی نی ایتدی.

وینزویلا رادیو سیگه کوره، مملکت بویلب حربی قوشینلر جایلشتیریلگن.

حربی لیک اوز بیاناتیده مملکت خوف سیزلیگی نی محافظه ایتیشنی ایتگن. شونینگ دیک، حربی لیک ویتسه- پریزیدینت و پارلمانیگه صادق توریشینی قوشیمچه قیلگن همده آدملرنی آغیر- باسقلیکگه چقیرگن.

هوگو جاوز اوتگن ییلی اوکتوبرده اوتکزیلگن جمهورلیک سیلاویده غالب چیقگن و شو ییل 10 جنوری ده جمهورلیک ریاستی قسمیاتی نی قبول قیلیشی لازم ایدی.

بیراق سلامتلیگی طفیلی قسمیات قبول قیله آلمه دی، ونزویلا عالی محکمه سی قسمیات مراسمی نی کیچراق اوتکزیش ممکن، دیه قرار چیقرگن ایدی. آرژنتین جمهور رییسی کریستینا فرناندیز جناب جاوز نینگ عالمی باره سیده گی خبردن سونگ، برچه ایش ریجه لرینی بیکار قیلگن. او و مرحوم ایرینیستار کیرچنر ونزیولا رهبری نینگ یقین دوستلریدن بولگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.