BBC navigation

سیاستچیلرنینگ اوییگه باریش قیین توییله دی

Сўнгги янгиланиш 7 март 2013 - 16:46 GMT

افغانستان نینگ تنیقلی رهبرلری و سیاستمدارلری نینگ تورموش اورتاغلری حقیده لوحه تیارلش، بیر آز قیین توییلدی. چونکه رهبرلر اینقیسه حاکمیت ده گی شخصلرنی قوله ی لیک بیلن اوچره تیب بولمه یدی و اولرنینگ تورموش اورتاغلری بیلن هم صحبت اوتکزیش همه سیدن قیین.افغانستان اهالیسی دن کوپچیلیگی رهبرلرنینگ سویر خاتینلری نینگ اسمی بیلمه یدیلر.بوندن بیر آی آلدین بوحقده ایش باشلندی وکابل، هرات، جلال آباد و بلخ ولایتلریده 30 دن آرتیق مجاهد، تکنوکرات، سولچی، اعتدال افغان رهبرلری بیلن علاقه اورنتدیک و اولردن کمیده تورت نفری عیاللر کونی 8 مارچ کونی مناسبتی بیلن عیاللر اورنی باره سیده صحبت اوتکزیشگه تیارلندیلر.اوشبو رهبرلردن بیرقطاری بیزنینگ تیمی میز گه تورموش اورتاغلری بیلن صحبت اوتکزیشگه رخصت بیردیلر. اما بیرقطار رهبرلر ایسه، صحبت تکلیفی نی تورلی خیل بهانه لر بیلن رد ایتگنلر. مذکور رهبرلردن کمیده اوچدن بیری سی نینگ تورموش اورتاغلری فرزندلری بیلن خارجده یشی دیلر.

اولردن بیری اوتگن جمهور رییسلیک سیلاولرده اوزی نی نامزد قیلگن ایدی و کوپ آوازنی قولگه کیریتگن ایدی، اونگه تیلفون قیلدیک ایرته سی تورموش اورتاغی صحبتگه تیار ایمسلیگی نی بیزگه معلوم قیلدی:" تورموش اورتاغیم اویدن چیقه دیگن پیتده، حتی قوریقچیلریم اونی کورمسلیککه حرکت قیله دی."

افغان رهبرلریدن بیری

اونینگ ایتیشیچه، ایرککلر اوز تورموش اورتاغلریگه ایش بجریش وبجرمسلیک حقوقی نی بیریشی کیره ک. اوشبو افغان سیاستچیسی گه کوره، اورموش اورتاغی یقینده توغیلگن قیزچه سی نینگ اسمی آته سی نینگ آتیگه قوییش نی ایسته مه یدی، چونکه آته سی نینگ سیاسی جنجللری اونی تاثیرلنتیره دی.

اوشبو رهبرلردن بیرقطاری بیزنینگ تکلیفیمیزگه، بیر آز اویلش و مصلحت دن سونگ، سیم قاقیشی نی ایتدیلر، اما هنوزگچه اولردن هیچ خبر یوق.

جمهور رییس کرزی هم قطار سعی و حرکت لردن سونگ، تورموش اورتاغی نینگ رادیو ده صحبت اوتکزیشگه راضیلیک بیلدیردی.

اما نیمه اوچون ایران و پاکستان نینگ سیاسی رهبرلری نینگ تورموش اورتاغلری عیاللر اوچون جماعه نینگ اورنگی رولی اویینه ی دیلر و افغانستان سیاس رهبرلری نینگ تورموش اورتاغلری نی هیچ کیم کوریشگه قادر بوله آلمه یدی؟

عیاللرحقوقی نی حمایه لش اداره سی فعاللری دن بیری وژمه فروغ بوحقده بونده ی دییدی:" افغان رهبرلری دموکراسی نی قوشنی مملکتلرنینگ قیزلریگه ایسته یدی. اوشبو رهبرلر تورموش اورتاغلری نی جماعه گه کورستیش غیرتیگه ایگه ایمس، گویا که اولرنینگ جماعه ده گی سیاسی اورین لریگه خلل ییتکزه دی".

افغانستان نینگ سابق اولوسی جرگه اعضاسی صبرینا ثاقب هم بوحقده فکر بیلدیریب، جهل و بیلمسلیک برچه ایشیکلرنی یاپیپ قویگن دییدی، جمله دن سیاست اویلرنی.

کورینیشیچه، افغان سیاستچیلری، یوزییللیک اوتمیش ده گی تآریخ نی اونوتمه گنلر. اوتمیش ده شاه امان الله خان تورموش اورتاغی نینگ حجابی نی آلیب تشلب، اونی اهالی آره سیگه قوییب یوباردی. اوشبو مسله بیرقطار مذهبی شخصلرنینگ ناراضیلیگیگه سبب بولیب، اونی حاکمیتدن قولتدی. بوگون هم افغان سیاستچیلری انه شو مسله دن قورقیب، شونده ی بیر حادثه گه رو په ره بولیشی ممکنلیگی نی ایسدن چیقرمه یدیلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.