BBC navigation

ملی جبهه نینگ هراتده گی یغینی کونی پارتلش

Сўнгги янгиланиш 7 март 2013 - 15:57 GMT

مخالفت ده بولگن ملی جبهه نینگ بیر قطار رهبرلری هرات ولایتیده گی طرفدار لری تمانیدن یولگه قوییلگن یغینده قتنه شیب دولت سیاست لرینی تنقید آستیگه الگن.
یغینده احمد ضیا مسعود، حاجی محمد محقق و جنرال دوستم نینگ وکیلی عزیزالله کارگر لر اشتراک ایتکن.
عینی یغین باشله نیشدن اول هرات ولایتیده ایککی پارتلش روی بیرگن . پارتلش لردن بیری شهر و هوا قونلاغه یولیده و ایککینچی سی ایسه یغین بولیب اوتیشی کوتله یاتگن هرات استدیومی یقینیده روی بیرگن . خبرلرگه کوره روی بیرگن پارتلش نتیجه سیده ایککی نفر یره لنگن .
ملی جبهه رهبری احمد ضیا مسعود افغانستان حکومتنی فاسد و قومی تعلقات اساسیده فعالیت قیله یاتگنینی ایتگن . عینی دمده او افغانستان جمهور رئیسی حامد کرزینی طالبان گروهیگه مشروعیت بیریشگه حرکت قیله یاتگنینی ادعا قیلگن . ملی جبهه رهبرلری ینه بیر بار افغانستان ده کی معما لرگه برهم بیریش اوچون مملکت سیاسی توزومنی اوزگریشی کیرک لیگنی تاکید له گن.
سونگی وقتلرده ملی جبهه رهبرلری افغانستان نینگ ییرک شهرلریده یغین اوتکزیب دولت سیاست لرینی تنقید آستیگه آلیب کیلماقده.عینی دمده افغانستان حکومتی ایسه ملی جبهه اعضالری تمانیدن بیان ایتله یاتگن فکرو تنقید لرینی رد ایتیب کیلگن.
افغانستان ملی جبهه سیاست لرینی تنقید قیله دیگنلرساننی هم آز ایمس. ایرم هراتلیکلر ملی جبهه رهبرلری فقط گینه اوز سیاسی مقصد لری اوچون فعالیت قیلماقده دیب اولرنی تنقید آستیگه الماقده.
" بوندی یغینلر اهالی دردینی دوا قیلمیدی.امتحانینی بیریب ناکام بولگن بو رهبرلر اهالینی اوز منفعت لری اوچون فایده لنه دی." دیدی هرات لیک لردن بیری.
جمهور رئیس لیک سیلاولری یقین لشیشی بیلن افغانستان ده کی سیاسی حرکتلری اوز تبلیغی فعالیت لرینی حاضردن باشله گنلر.
افغانستان ده کی سیاسی حزب لر اینقسه سیلاو لرنینگ مملکت نی کیلجگی اوچون مهم بولگنی و بو جریان نینگ شفاف بولیب اوتیشینی تاکید لماقده.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.