BBC navigation

اولوسی جرگه، اداری هیآتی اعضالرینی سیله آلمه دی

Сўнгги янгиланиш 9 март 2013 - 13:37 GMT

افغانستان خلق وکیللری مجلسی اوزی نینگ اوچینچی ییل ایلک ایش باشلش کونی ده اوشبو مجلس نینگ اداری هیات اعضالرینی سیلشده قادر بوله آلمه گن.

اوشبو مجلس نینگ اداری هیاتی نینگ تورت لوازمیده اون بیر کیشی اوزینی نامزد قیلگنلر.

اما نامزدلردن بیری ایلیک دن آرتیق آواز نی قولگه کیریتیشگه موفق بوله آلمه ی، سیلاو ایکینچی دور کیچیکتریلگن. بیرینچی اورین باسرلیک همده مجلس نینگ بیرینچی منشی لیگی لوازملریده گی ینگی نامزدلر اوز ارا رقابتگه توشیشی ممکن.

ایکینچی معاونلیک و منشی لیک لوازملریده گی ایسه، نامزدلر یوقاری آوازلرنی اوزلریگه قره تگنلر.

افغانستان اولوسی جرگه مجلسی نینگ اداری هیاتی اعضالرینی سیلش، هرییلی جنجلی بولیب، وکیللر بوحقده اوز ارا کیلیشه آلمه یدیلر.

بوییل هم اوتگن ییلر سینگری اوچینچی ییل نینگ ایلک کونیده، ملت وکیللری اداری هیات نی سیلشگه حرکت قیلگنلر. مجلس نینگ بیرینچی اورین باسرلیک لوازمیده میرویس یاسسینی و عبدالقدیر ظاهر اوزلرینی نامزد قیلگن ایدیلر.

اولر آواز بیریش جریانی باشلنمسدن، مجلس نینگ آبروسی سقله نیشی اوچون سعی و حرکت قیلیشلری ممکنلیگی نی وعده قیلدیلر:"اگر سیزلر مینگه آواز بیرسه لرینگ، مجلس نینگ و افغانستان خلقی نینگ آبروسی سیگه نه فقط اعتبار قره ته من، بلکه اونی اوزیمگه بیر فرض دیب حسابلشیم کیره ک".

لیکن آواز لرسنلگندن سونگ، اولوسی جرگه رییسی عبدالروف ابراهیمی، اوشبو ایکی نامزد دن هیچ بیری ملت وکیللری نینگ 221 آوازی جمع دن 50 فایزنی قولگه کیریته آلال مه گنی اعلان قیلدی. اونگه کوره، مذکور نامزدلر ایرته ده بولیب اوتیشی کوتیلگن سیلا نینگ ایکینچی دوریده اوزلرینی قیته دن نامزد قیله آلمسلیکلرینی ایتدی:"بیرینچی اورینگه نامزد حاجی قدیر ومیرویس یاسینلر 50 فایزدن آرتیق آواز نی کسب ایته آلمه دیلر. بولردن هیچ بیری اولوسی جرگه نینگ بیرینچی اورین باسری صفتیده سیله نالمه یدیلر".

ایکینچی معاونلیک لوازمیده تورت کیشی امان الله پیمان، نعمت الله غفاری، اسدالله سعادتی، و احمد شاه رمضان اوزلرینی نامزد قیلگن ایدیلر. اولر دن هیچ بیری ایسه ییترلی آواز نی کسب ایتیشگه موفق بولمه ی، اینگ یوقاری آواز نی اوزیگه قره تگن نامزد لر ارا سیلاو، ایکینچی دور گه کشللندی:"اوشبو تورت نامزد لردن هیچ بیری 50 دن آرتیق اواز نی کسب ایته آلمه یدیلر. ایکینچی اورین باسرلیک لوازمیده سیلنمه دیلر. سیلاو ایکینچی دور گه اوته دی. بو دور ده اینگ یوقاری آواز نی کسب ایتگن امان الله پیمان و نعمت الله غفاری جنابلری ارا سیلاوعملگه آشیریله دی".

اولوسی جرگه نینگ بیرینچی منشی لیک لوازمیده هم ایکی کیشی عبدالستار خواصی و عبدالقادر قلاتوال اوز لرینی نامزد قیلیب قویگن ایدیلر. اما اولر هم ییترلی درجه لی آواز نی کسب ایتیشگه قادر بوله آلمه دیلر.

سیلاو ایسه ینگی نامزدلر بیلن قیته دن باشلنه دی.

شونینگ دیک، ایکنیچی منشی لیک لوازمیده فرهاد عظیمی، نیلوفر ابراهیمی و فوزیه ذکی اوزلرینی نامزد قیلیب، غلبه قازانالمه دیلر.

تحلیلچیلر، مجلس اعضالری ایچکی اداری ایشلری نی حل قیله آلمه یاتگنی گه، اوشبو مجلس ده گی گروه لر ارا کیلیشماوچیلیکلر نی سبب قیلیب کورستماقده لر.

اما اولوسی جرگه رییسی، ایرته ده اداری هیات اعضالرینی سیلشده سعی و حرکت آلیب باریشی نی تاکیدله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.