BBC navigation

افغانستان و امریکا آره سیده گی قره مه قرشی فکر لر نیمه اوچون؟

Сўнгги янгиланиш 11 март 2013 - 13:06 GMT

افغانستان حکومتی تمانیدن میدان وردگ ولایتی دن امریکالیک مخصوص کوچلری چیقیب کیتیشی اوچون بیریلگن ایککی هفته لیک زمان تولیشی بیلن هنوز هم مذکور کوچ لر بو ولایتنی ترک ایتمه گن لر.

افغانستانده استقامت قیله یاتگن اتفاق کوچلری امریکالیک مخصوص کوچلری میدان وردگ دن چیقیب کیتیشی اوچون ایشلری جریانی بارلیگینی معلوم قیلگن.

اما وردک محلی رسمیلری ایسه، امریکالیک لر مذکور ولایتدن چیقیب کیتیشی اوچون تیار. لیکن مذکور جریان قوشمه بیر تیکشیریش لر توگه ییشیگه قدر آرقه گه توشگنینی ایتگن لر.

میدان وردک رسمیلری گه کوره، مذکور ولایت ده عمومی بیر تیکشیریش یولگه قوییلیشی اوچون خارجی زمان ایسته گن لر.

میدان وردک ولایتی یشاوچی لری امریکانینگ مخصوص کوچلری تمانیدن قیناقلنگنی شکایتی آرتیدن جمهور رییس کرزی مذکور کوچلر ایککی هفته گه چه میدان وردک نی ترک ایتیش بویروغی نی صادر قیلدی. اما حاضر ایککی هفته دن هم کوپراق بولگن و خارجی کوچلر ایسه مذکور ولایت نی ترک ایتمه گن لر.

شونده ی بیرحالده آیساف کوچلری نینگ سوزچی لریدن گنتر کتز، اولر افغان کوچلری بیلن بیرگه لیکده خوف سیزلیک مسوولیت لری میدان وردکگه افغانلرگه تاپیشیریلیشی اوچون ایشلش لرینی ایتماقده.

" بیز میدان وردک نینگ خوف سیزلیک وضعیتی گه قرگنده، مسوولیت لرنی افغان لرگه تاپشیریلیشی اوچون کوپراق کوز قره تیشیمیز کیره ک. بیز افغان کوچلری نینگ هماهنگلیگی بیلن اوزون مدتلی انتقال برنامه سینی عملگه آشیریشی نی نظرده توتگن میز. بیز و افغان کوچلری میدان وردکگه قوشمه بیر مقصدیمیز بولیب ایشله ماقده میز. خوف سیزلیک مسوولیت لری بالاخره افغانلرگه تاپشیریله دی. بیز حاضر بو مسوولیت لرنینگ قنده ی قیلیب تاپشیریلیشی توغری سیده افغان کوچلری بیلن یقیندن ایشله ماقده میز. بونی هم ایتیشیم کیره ک کی مسوولیت لر زودلیکگه تاپشیریلیشی اوچون سعی قیلماقده میز."

امریکا نینگ مخصوص کوچلری میدان وردک نی ترک ایتیش طلبی افغانستان حکومتی تمانیدن شونده ی بیرحالده صادر ایتیلگن که مذکور ولایت خوف سیزلیک خواطرلری کون اوتیشی بیلن کوچه یماقده. کوزه توچیلرگه کوره، عصیانچیلر میدان وردک ده کینگ کولمده فعالیت لری کوزگه کورینه دی شو اوچون اگر امریکالیک لر بو ولایت نی ترک ایتسه لر وضعیت یمان بولیشی ممکن.

وردک دن تشقری جمهور رییس کرزی و امریکالیک لر آره سیده گی علاقه لر سونگی پیت لرده جدی شکلده بوزیلگنی کوزگه تشلنماقده.

تیناون جمهور رییس کرزی امریکا و طالبان آره سیده هرکونی مذاکره لر بوله دی دیگن ادعا لرنی یولگه قویدی. اما کرزی نینگ مذکور سوزلرینی هم امریکا نینگ کابلده گی ایلچیلیگی هم طالبان گروهی و هم افغانستانده گی ناتو قوماندانلیگی رد قیلدیلر و کرزی دن بونده ی سوزلرنی بیز کوتمه گن ایدیک دیب معلوم قیلدیلر.

کرزی نینگ تیناونکی سوزلریدن کیین، امریکا مدافعه وزیری چک هیگل و جمهور رییس کرزی اورته سیده اوچره شوو یولگه قوییلدی.

امریکا مدافعه وزیری چک هیگل کرزی جنابلری بیلن بولگن صحبت لری نیمه ایکنی توغری سیده بونده ی دیدی:

"مین او کیشیگه ایتدیم هر بیر مسئله توغری سیده مین بیلن یوزمه یوز علاقه گه بولینگ. مین بو ییرده حربی بویوک لریمگه انچه ایشانچیم بار. مین اوزیم امریکالیک و افغان مسوولری بیلن بیرگه لیکته ای ایشلشنی کوته من. شولر مین و جمهور رییس سوزلریمیزنینگ مهم بیر بولیمی ایدی."

اما جمهور لیک ریاستی سرایی نینگ سوزچی سی ایمل فیضی جمهور رییس کرزی نینگ یوریتگن سوزلری توپه توغری ایکنی توغری سیده تاکید لب اوته دی.

" شاهد لر همده حکومت بیلن علاقه سی بولگن بیر قنچه طالبان رهبرلری، یاشیرینچ مذاکره لرنی تایید قیلگن لر. عین دمده امریکالیک لر مقاملری صلح اوچون مذاکره لر توغری سیده بولگن صحبت لریده، افغانستان مقاملریگه طالبان پیام لرینی نیچه مرته ایتیب بیرگن لر بو مسئله لر بونی کورسه ته دی کی، طالبان وا مریکالیک لر آره سیده علاقه لرموجود."

ایندی خود شو قره مه قرشی فکر لرگه قرگنده، امریکا نینگ کابلده گی ایلچی لیگی، افغانستان دولتی و طالبان گروهی رسمی نماینده لری نینگ آره سیده صلح اوچون یولگه قوییله یاتگن مذاکره لرنی چیکلنگن دیشیب، افغانستانده صلح تامین بولیشی طالبان نینگ کیله سی آدم لریگه باغلیق ایکن لیگی توغری سیده تاکید لب اوتگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.