BBC navigation

یوزلب وردک یشاوچیلری کابلده ناراضلیک نمایش اوییشتیردی

Сўнгги янгиланиш 16 март 2013 - 12:23 GMT

بوگون یوزلب وردک یشاوچیلری پایتخت کابلده کرزی نینگ سونگی بویروغی دن آرقه داشلیک بیلدیریش مقصدی بیلن ناراض لیک نمایش اوییشتیردیلر.

بو ناراضلیک نمایش لر قریب تورت ساعت دوام تارتدی. نمایشچیلر کابل نینگ ده بوری منطقه سیدن نمایش لری نی باشله ب تا پارلمانگه قدر کیتدیلر. بو نمایش قنده ی بیر زوراونلیکگه ایلنمه دی. نمایشچیلرنینگ اساسی طلب لری امریکالیک لر وردک نی زودلیکگه ترک ایتیش لری و وردکده امریکالیک لر تمانیدن اوشلب آلینگن اون یشاوچی نینگ قوییب یوباریلیشی ایدی.

اوتگن هفته جریانیده افغانستان جمهور رییس کرزی ایککی مرته امریکا لیک لر گه قرشی سوز یوریتیب قیته دن مذکور سوزلری افغانستان و امریکا آره سیده گی علاقه لرنینگ یخشی لشتیریش مقصدی بیلن بولگنی نی تیگله آلگن.

اما بوگون کی ناراض لیک نمایش توغری سیده حکومت هنوز گه قدر رسمی شکلده قه یسی بیر سوز یوریتمه گن. کابلده گی ایساف کوچلری بو ناراض لیک نمایش لر باره سیده هیچ قنده ی فکر بیلدیرمه یمیز دیب جواب قه یترگنلر.

امریکا لیک لر تمانیدن اون کیشی میدان وردک لیک حبس گه آلینگنی باره سیده هنوز گه قدر هیچ قنده ی بیر ینگی لیک چیقمه گن.

ناراضلیک نمایش نی اوییشتیرگن لر هم مذکور اون کیشی امریکا نینگ مخصوص کوچلری تمانیدن اوشله ب آلینگنینی ایتیب اما هنوز گه قدر هم اولر قه ییرده ایکنلیگی نی بیلمه یمیز دیب معلوم قیلگنلر.

ناراض شخص لر گه کوره، اگرده امریکا نینگ مخصوص کوچلری وردک نی ترک ایتمه سه لر اولر قورال آلیب مذکور کوچلرگه قرشی طالبان قطاریگه کیریشه دیلر.

شو نینگ دیک بو ناراض شخص لر امریکالیک لر وردک دن چیقمه گن لریچه اوز ناراضلیک نمایشلریگه دوام بیریش لری بیلن آگاه لنتیردیلر.

عین زمانده بوگون افغانستان عالم لر کینگاشی هم بیر بیانات ترقه تیب، افغانستان جمهور رییسی حامد کرزی نینگ میدان وردک و بگرام قماقخانه سی افغانلر بویینیگه توشیشی دن حمایت بیلدیرگن.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.