BBC navigation

فاريابده نوروزقيزيق كوتيب آلينمسليگي گه سبب نيمه؟

Сўнгги янгиланиш 20 март 2013 - 14:45 GMT


اوتگن نوروزده اويدن تشقري گه چيقه آلمه گن ميمنه ليك عياللر كيلگوسي نوروزني نشانلش اميدي ده لر.
نوروزنينگ بيرينچي كوني ميمنه شهريگه تيگيشلي شهيدلرتيپه سي ديب ناملنگن محل گه يوزلب عيال وايركك چيقيب، عالمدن اوتگن لري روحلريني شاد ايتيش اوچون قرآنكريم ختم لري يولگه قوييب همده سوزمه، چاركله وحلوا گه اوخشه تورلي مزه لي تيارلب كيلتيرگن آوقت لريني يييب خوش ليك بيلن بو كونني كيچيررديلر، اوتگن نوروزده بيرقنچه مساله لرسبب بيرته عيال هم اويدن تشقريگه چيقمه دي.
فارياب اهالي سي اوزاق عصرلردن بيري بو كونني قيزيقيش بيلن كوتيب آله ديلر،اولر نوروزگه سناقلي كونلر قاليشي بيلن اوي تازه لش، سومه لك اوچون بوغداي يوبيتيش وكييم كيچك تيارلش كبي ايشلربيلن بنده بوله ديلر، ليكن اخيرگي بيرنيچه ييلده بو ولايتده گي بير قطارديني عالم لرتمانيدن بوايام ني نشانلش روا ايمس ديب بيلديريليب كيله ياتگن مناسبت لر سبب نوروزكوني گه بولگن قيزيقيش ورسم وعنعنه لرني سوال آستيده قويماقده. انه شوبيلديريليب كيله ياتگن مذكورمناسبت لرهم بي تاثير قالمه گن ليگي ني ياشلردن بيري نوروزكوني اويدن تشقري گه چيقمه يمن ديگن فكري بيلن ايضاحلش ممكن.
" مينينگ اسميم اسدالله نوروزكوني چيقيب دم آليب كوليب قووانرديم ليكن عالم لريميزبوكون نينگ نشانلش حرام ديركيتمنگ لرديب ايتديلروينگي كييم مسلمانلرگه قيليش توغري ايمس ديب ايته ديلر دييدي او
بومعما لرگه قره مسدن يا شلرآره سيده بو ايام ني چين دلدن كوتيب آليش قيزيقيشي كتته،
انه شوسبب نوروزبيرمي ني بيرقطار لربو ولايت نينگ اوزيده نشانله سه لرو باشقه بير قطار لرهم مزارشريف ده گي مراسم ده اشتراك ايتيش اوچون كيته ديلر.
اما بير قطارلر قرب لري ييتمسليك لري سبب مزارشريف كبي ولايت لرده گي مراسم لرده اشتراك ايته آلمه يديلر.
نوروز نينگ قيزيق كوتيب آلينمسليگي نينگ ينه بير سببي هم خوف سيزليك معما سي بوليب كوپلب عايله لربيرار واقعه يوزبيررليگيدن قورقيب عايله اعضالريني اويدن تشقريگه چيققني قويمه يديلر.
تاج الدين حكيمي نوروزكوني دم آليش اوچون اوز عايله اعضاسيني اويدن تشقريگه چيقيش گه رخصت بيررليگي ني ايته دي.
نوروزدن بير نيچه كون اوتيشي بيلن ميمنه شهري نينگ يقينده جايلشگن امام باقرزيارت گاهيده مينگلب اهالي اشتراك ايتيب مخصوص مراسم آرقه لي زيارتگاه ده اورنه تيلگن توغ كوتاريلردي بو زيارتگاه ده كوپلب عياللرهم اشتراك ايترديلر اما دين عالم لري قرشي ليك كورستگن ليگي سبب بيرنيچه ييل دن بيري كوتاريلمه يدي.
بيرقنچه عياللرگه كوره نوروزكوني اولراوچون توغ يا مبارك الم كوتاريليشي شرط ايمس فقط مخصوص بير محل اجره تيب بيريلسه ييته دي.
دين عالم لريدن بولگن قاري عبدالحكيم مسلمان لراوچون هركون نوروزبولگني ني ايتيب اما خاصتا ايكي هييت بيرمي ني نشالش لري كيره ديب ايته دي، شونينگ اونگه كوره نوروزكونيده توغ كوتاريليشي حرامليگي نه فقط بوگونگي گپ ايمس بلكه اوتميشده هم دين عالم لري تمانيدن ايتيليب كيلينگن.
فارياب ولايتي نينگ پوليسي نوروزكوني خوف سيزليگي توله تامينلنگني ايتيب اهالي تشويش قيلمسدن بوكونني نشالشلريني معلوم قيلماقده.
بو خصوصده فارياب ولايتي نينگ پوليس قومانداني نبي جان ملاخيل
"بيرقطار لربوكون ني بوزيب وخلقيميزنينگ خوشليگي ني آليش مقصديده ايديلر، بيزبونگه يول قويمه ديك، اهالي همكارليگي بيلن پوليس وامينتي كوچلرهربيرساحه ده چاره وتدبيرآليب خوف سيزليك توله تامين لنگن، سيزلرهيچ قنده ي خواطرلنمسدن خاطرجمع ليك بيلن بوكونني نشانلنگ ودوست واورتاقلرينگيزيانيگه وكوكلم زارمحللرگه باريب وقتينگزني خوش كيچيرينگ لر پوليس سيزنينگ خذمتينگيزده" دييدي فارياب ولايتي نينگ پوليس قومانداني نبي جان ملا خيل

فارياب ولايتي نينگ مركزيدن تشقري تورلي حدودلريده نوروزكونلريده اهالي توپله نيب اوغلاق، گوره ش وباشقه اويون لرهم يولگه قوييلردي، اما بوعنعنه لرولايت مركزي ده استه - سيكين يوقاليب حتي چيككه قيشلاق لرده هم ييل مه ييل اوزتوسي ني قولدن بيره ياتگني ايتيله دي.
نوروزكوني هرييلي عنعنوي شكلده افغانستان دن تشقري ايران اوزبيكستان، تاجيكستان توركمنستان آذربايجان وباشقه بير قطار مملكت لرده گي اهالي تمانيدن كينگ بير شكلده طنطنه لي مراسم لرآرقه لي نشانله نيله دي.

.

* تولدریشی شرط بولگن جایلر

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.