BBC navigation

"فسادگه قرشی کوره شیش اوچون بیرگن تکلیف لریمیزدن فقط 20 فایزی عملی بولگن"

Сўнгги янгиланиш 25 март 2013 - 07:22 GMT

فساد گه قرشی کوره ش مستقل قوشمه نظارت کمیته سی، دولت گه بیریلگن تکلیفلریدن بیرقطاری عملگه جاری قیلینگنینی ایتگن.

افغانستانده اداری فساد گه قرشی مستقل قوشمه نظارت کمیته سی، اوشبو مملکت دولت اداره لری و دنیا هم جمعیتی طرفیدن اداری فساد گه قرشی کوره شیش اوچون بیر قطار تکلیفلر بیریلگنی نی ایتیب، بو حقده کوره شیش اوچون باشقه بیرقطار فعالیتلرگه هم احتیاج بارلیگی نی تاکیدله گن.

اداری فساد گه قرشی کوره ش کمیته سی اوزی نینگ آلدینگی تکلیفلری گه قوشیمچه بیرقطار ینگی تکلیفلری باره سیده هم اشاره قیلگن.

اوشبو اداره اوزی نینگ بیر ینگی گزارشیده، مذکور تکلیفلردن 20 فایزی مکمل روشده باشلنگن بولیب، باشقه 22 تکلیف حاضرگه قدرهیچ قنده ی عملگه آشیریلمه گنی نی معلوم قیلگن.

اوشبو اداره نینگ ایتیشیچه، اولر حاضرگه قدر اداری فساد گه قرشی کوره شده تاثیر قویه دیگن 74 ماده لی بیر تکلیف نی تقدیم قیلیب، اولردن فقطگینه 20 فایزی مکمل روشده باشلنگن و 22 فایزی اجتماعی شکلده عملگه آشیریلمه گن. کابلده مذکور اداره دارالانشا رییسی سیما غنی آلتی آیلیک گزارش نی نشر ایتیش ییغینیده، اولر تمانیدن بیریلگن تکلیف لردن 58 فایزی نینگ عملگه جاری قیلیش ایشی هم باشلنه یاتگنی نی معلوم قیلگن:" 20 فایز بوتکول باشلنگن. 59 فایزی هم ایش آستیگه آلینگن و اوشبو تکلیفلردن 22 فایزی هیچ هم باشلنمه گن. اوشبو 20 فایز دن 15 ته سی تکلیف قیلینه دی، ایش آستیگه آلینگن 58 فایزی 43 تکیلف دن عبارت وهیچ هم باشلنمه ی قالگن 22 فایز، 16 تکلیف نی اوز ایچیگه آلگن."

فساد گه قرشی کوره ش مستقل قوشمه نظارت کمیته سی نینگ مصلحتچیسی نعمت الله سایر، عملگه جاری قیلینگن تکلیفلر، کانلر وزیرلیگی تمانیدن شرطنامه لر اعلان ایتیلیشی، باجخانه لر قانونی، تعدیلات و اداری اصلاحات اداره سی تمانیدن ملکی خذمتلر ساحه سیده گی ایشلرینی آسانلشتریشده خذمت قیلیشی باره سیده معلومات بیردی.

مذکور اداره شونینگ دیک، فساد ده قولی بولگن شخصلرنینگ آچیق روشده محکمه ایتیلمه یاتگنی و دولت اداره لریده فساد گه قرشی کوره ش توغریسیده عمومی حرکت موجود بولمه گنی نی کته شرمنده لیک دیه توصیفله دی.

اوشبو اداره مسووللریگه کوره، معارف و عالی اوقوو وزیرلیکلریگه، اوزلری نینگ تعلیم نصابلریده فساد گه قرشی مضمونلر کیریتیلیشی باره سیده بیرقطار تکلیفلرنی بیرگن ایدیلر، اما هنوز گچه مذکور ایکی وزیرلیک تکلیفلر نی عملگه جاری قیلمه گنلر.

اداری فساد گه قرشی قوشمه مستقل کمیته سی باشقه 36 ینگی تکلیف بیلن چیقگن. اوشبو تکلیفلرده، سیلاولر، مدنی جماعه چیلیک و خصوصی سکتورلر اوچون قوله یلیکلر یره تیلیشی، باسیب آلینگن ییرلر و دنیا جماعه چیلیگی نینگ یاردملری قید ایتیلگن.

سیلاولر بولیمیده علیحده تاکیدلنیب، آواز بیراوچیلر نینگ اسمی نی یازیب آلیش جریانی نینگ ریجه سی کیله سی ایکی آی ایچیده تکمیل بولیشی کیره کلیگی ایتیلگن.

شونینگ دیک، مذکور اداره، سیلاو جریانی نی یولگه قویش اوچون کمیده بیر مینگ خادم کیله سی سیلاولرده وظیفه دار ایتیلیشی کیره کلیگی نی تاکیدله گن.

مدنی جماعه چیلیک بولیمیده ایسه، ایچکی و تشقی نادولت تشکیلات و جمغرمه لر بیر مخصوص کمیته تمانیدن نظارت و تیکشیریلیشی کیره کلیگی باره سیده علحیده تکلیف قیلگن.

شونینگ دیک، خصوصی شرکت لر فعالیتی توغریسیده هم مخصوص تکلیف بیریلگن. اوشبو تکلیفلرگه کوره، فساد ده عیبلنگن شرکت لر بیر قاره رویخط گه کیریتیلیب، اولرگه کیله جکده پروزه بیریلمسلیگی ایتیلگن.

اداری فساد گه قرشی کوره ش مستقل قوشمه نظارت کمیته سی، فساد نی یوق ایتیش توغریسیده بیر سیاسی اراده یوقلیگی نی کته ننگ دیه توصیفله له گن. اوشبو اداره رسمیلری، بوحقده خواطربیلدیریب، بو خصوصده دولت بیرقطار اداره لری تمانیدن اولر بیلن همکارلیک قیلینه یاتگنی نی اهمیتلی بیلمه ی، اوشبو ساحه ده عملی آدم کوته ریلمه گنی نی ایتگنلر.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.