BBC navigation

ملی بیردملیک جبهه: صلح اوچون واسطه چیلیک قیلیشگه تیارمیز

Сўнгги янгиланиш 25 март 2013 - 13:02 GMT

افغانستان ملی بیردملیک جبهه سی، مذاکره اوچون طالبان وافغان حکومتی آره سیده واسطه چیلیک قیلشینی ایتگن. عینی حالده مذکورجبهه اعضالری امریکا نینگ دایمی حضوریگه قرشی لیک بیلدیرگن.

طالبان عصانیچلری بیلن مذاکره آلیب باریش همده امریکا لیک حربیلریدن بیرقسمینی 2014 ییلدن سونگ افغانستانده قالیشی قیزیق بحث لرگه سبب بولیب کیلماقده.

ایریم سیاسی فرقه لر امریکا نینگ دایمی حضوریگه موافق بولسه ده ، لیکن بونگه قرشی سیاسی فرقه لر هم موجود.

شونینگ دیک اولرنینگ دایمی حضوری اوروش نینگ اوزون مدت دوام تارتیشگه سبب بولیشی ممکن لیگی هم ایتیله دی.

باشقه تمان الیب قره گنده طالبان هم امریکا لیک لرنینگ دایمی حضوریگه قرشی بولیب، خارجی عسکرلرنی چیقیب کیتیشی صلح اوچون اولرتمانیدن ایلگری سوریلگن شرط لردن بیری.

ملی بیردملیک جبهه هم شوندی بیر فکرگه ایگه، اوشبو جبهه رهبرلرینی ادعا قیلیشچه امریکالیکلر افغانستانده دایمی تینچلیک کیلیشینی ایسته میدیلر.

باشقه تماندن مذکور جبهه اعضالری، صلح اوچون عالی تینچلیک کینگاشی تمانیدن آلیب باریله دیگن برنامه لرنی قتیغ قاره لب چیقدی. اولرگه کوره بو کینگاش برنامه لری هیچ قندی نتیجه بیرمه گن.

ملی جبهه اعضالریدن و سابق ملت وکیللی حاج فرید، دولت ایسته سه مذکور جبهه طالبان و دولت اره سیده واسطه چیلیک قیلیشگه تیار ایکنینی ایتدی:"بو سوال گه جواب تاپیش کیره ک، عالی تینچلیک کینگاشیگه ایته من کیم بیلن صلح قیله دی، اوروش نینگ بیرتمانی طالبان بیرتمانی هم اوزلری ، شوندی بیرحالده اولر قتیب صلح کیلتیره آله دی. حکومت ایسته سه بیز طالبان بیلن صلح قیلیش اوچون ایککی تمان اورته سیده واسطه چیلیک قیلیشگه تیار میز. هربیر جایده بولسه ایچکی یاتشقریده. دیدی حاج فرید.

بوجبهه افغانستان نینگ سابق باش وزیری احمد شاه احمدزی تمانیدن رهبرلیک بولینه دی، اکثریت اعضاسی هم امریکا نینگ دایمی حضوریگه قرشی بولیب اسلامچیلردن عبارت.

افغانستان عالی تینچلیک کینگاش اعضالریدن اسماعیل قاسمیار یقین اره ده بو جببه قوشیمچه باشقه سیاسی فرقه لر فکلرینی هم صلح خصوصیده اورگه نیشگه مخصوص برنامه یولگه قویلیشیدن خبر بیردی:"بیز یقین آره ده اولر بیلن اولتریب اولرنینگ تکلیف لرینی اورگه نه میز، نه فقط بو فرقه بلکه بیز باشقه سیاسی فرقه و مدنی جمعیت قوریلمه لر تکلیفینی هم اورگه نیشگه حرکت قیله میز.شونینگ دیک بیز اولرنی صلح اوچون فایده لی بولگن فکرلریدن هم فایده لنه میز. همده ملی جبهه باشلیغ لری بیلن هم بوبارده صحبت قیله میز دیدی قاسیمیار جنابلری.

افغانستانده تینچلیکنی مستحکم لش اوچون حکومت مقاملری وعالی تینچلیک کینگاشی، قوشنی اولکه لر اینیقسه پاکستان نینگ اساسی رولی بارلیگینی تاکیدلب کیلماقده.شونینگ دیک دولت گه سیاسی مخالفت بیلدیریب کیله یاتگن فرقه لر مصلحت لری اورگه نیلیشی هم صلح اوچون اوته مهم لیگی ایتیله دی.

BBC © 2014 BBC tashqi sahifalar uchun ma'sul emas.

Ushbu sahifani CSS veb-brauzerida tomosha qilgan ma'qul. Hozirgi veb-brauzeringiz Sizga to'la vizual imkoniyatni bermaydi. Marhamat qilib o'zingizning brauzeringizni CSS veb-brauzeriga yangilash haqida o'ylab ko'ring.