یونیسیف اداره سی، افغانستان معارف وزیرلیگی گه 70 میلیون دالر یاردم وعده قیلگن

بیرلشگن ملتلر تشکیلاتی نینگ یونیسیف یا باله لر بوییچه صندوغی، کیله سی ایکی دوامیده افغانستان ده تعلیم و تربیه وضعیتی یخشی لنیشی اوچون کمیده 70 میلیون دالر خره جت صرفله یدی.

اوشبو مبلغ بیلن، اونلب ینگی مکتب و سواد اورگه تیش مرکزلر، قوریلیشی ممکن.

مذکور مبلغ نی مالیوی لشتیریش ایشی یونیسیف تمانیدن باشقریله دی، اما لایحه لر، افغانستان نینگ معارف وزیرلیگی نینگ تکلیفلری اساسیده یولگه قویلیشی ممکن.

یونیسیف اداره سی تمانیدن افغانستانده تعلیم وتربیه وضعیتی یخشی لنیشی اوچون کورستیله دیگن 70 ملیون گه یقین یاردم، ینه بیر بار اوشبو مملکت معارف رسمیلری نینگ امیدی نی کوچیتیردی.

اوشبو یاردم نینگ یونیسیف اداره سی تمانیدن مالیوی لشتیریلیشیگه قره مه ی، اونینگ عملده تطبیق ایتیش ایشلری، افغانستان معارف وزیرلیگی آرقه لی بجریلیشی ممکن.

افغانستان معارف وزیری فاروق وردک، اوشبو مبلغ بیلن، مملکت معارف وزیرلیگی نینگ اینگ ضروری لایحه لری بوتکول روشده نظرده توتیله دییدی:برچه لایحه لر معارف وزیرلیگی نینگ ضرورتلری اساسیده عملگه آشیریله دی. یونیسیف هیچ بیر لایحه نی اوز باشیمچه یولگه قویمه یدی.

وردک جنابلری نینگ ایتیشیچه، مذکور مبلغ دن بیر قسمی بامیان، غور و دایکندی ولایتلرده 75 باب مکتب نی قوریش ده صرفله نیب، بلخ، سرپل، سمنگان و جوزجان ولایتلریده قوریلیش ایشی چله قالگن 11 مکتب بوتونلی قوریله دی.

ایتیلیشیچه، مملکت نینگ هر بیر 1500 مکتبی اوچون بیر تعلیم مرکزی ایجاد ایتیله دی. سواد اورگه تیش و اوقیتووچی تربیه لش مرکزلری قوریلیشی ممکن.

بوندن بیرنیچه وقت مقدم یو ان او دی سی یا بی می تی تشکیللشتیریلگن جنایت و مخدر ماده لر گه قرشی کوره ش اداره سی اوزی نینگ بیر گزارشیده، افغانستان عالی اوقوو همده معارف وزیرلیکلریده یوقاری درجه ده فساد موجود لیگی دن گپیرگن ایدی.

اما کیینچه لیک، اوشبو گزارش مملکت نینگ ایکله وزیرلیگی تمانیدن رد ایتیلدی، لیکن معارف وزیری فاروق وردک، بوگونگی چیقیشیده معارف وزیرلیگی ده گی فساد گه قرشی کوره شیش اوچون قطار لایحه لر تیارلنگنی نی ایتدی:" بیز نینگ تعین ایتووچی اداره لریمیز، شرطنامه لریمیز و مالیوی ارگانلریمیزده فسادنینگ موجودلیگی سیزیله دی. بوگون کیین خداملرنینگ آیلیکلری مالیوی اداره لریمیز تمانیدن ایمس، بلکه هر بیر خادم اوچون بانکی حساب آچیلیشی کیره ک."

افغانستان معارف وزیرلیگی، مذکور مبلغ دن 31 میلیونی 1391 ییلده، و قالگنی ایسه 1393 ییلده صرفلنیشی ممکنلیگی باره سیده تاکیدله دی.

یونسیف سونگی بیر نیچه ایچیده مملکت نینگ تورلی حدودلریده اونلب مکتب قوریب، باشقه بولیملرده هم تعلیم درجه سی یوکسلیشی اوچون سعی و حرکت آلیب بارگن.