تخارده 18مکتب اوقوتوچیلری ایش تشلشگه قول اورگن

تخار ولایتی خواجه بهاوالدین تومنی نینگ اقوتوچیلری،اوقوتوچیلر استقامت قیله دیگن شهرچه ترقه تیلمه گن حالده درس بیرمسلیک لری حقیده آگاه لنتیرگن.

بوگن قریب اوچ یوزگه یقین اوقوتوچی، خواجه بهاوالدین تومن مرکزیده یغیلیب ایش تشلشگه قول اورگنلر، اولرگه گه کوره اوقوچیلر اوچون دولت بوندن تورت ییل آلدین ییر نمره لرینی ترقه تیب بیریشینی وعده بیرگن ایکن.

شهرچه اوچون ریجه لنگن ییر نمره لرینی ترقه تیلیشگه ایریم قرشی لیک بیلدیرگنی ایتیله دی. شونینگ دیک ایریم اوقوچیلر، ییر نمره لرینی ایریم حدودلری هم غصب بولگنینی ادعا قیلگن.

بوندن الدین بو موضوعنی حلی اوچون نیچه مراتبه مرکزدن هیات هم جونه تیلگن ایکن لیکن اوقوچیلرگه کوره اولرنینگ سعی حرکتی هم هیچ قندی نتیجه بیرمه گن.

تخار ولایت رسمیلری، بو معمانی حلی اوچون ینگیدن ینه بیر هیات یوباریلیشیگه قرار آلگن. شونچه قوشیمچه قیلیب اولر، بو معمانی یقین آره ده حل بولیشی امید بیلدیرگن.

خواجه بهاوالدین تومن اوقوچیلریگه کوره، ییر نمره لرینی ترقه تیش ایشی باشله نیشی عملی بولیشی خصوصیده بوندن الدین هم وعده لر بیریلگن، بیراق تورت ییل جریانیده بو وعده لر عملی بولمه گن. شوباعث یوزلب خاتین و ایرکک اوقوتوچیلری شهرچه نینگ ترقه تیش عملی شکلده باشلنمه سه درس بیرمسلیک لری بیلن اگاه لنتیرگن.

افغانستان معارف وزیرلیگی موجود قینچلیک نی تن آلیب افغانستان نینگ باشقه ولایت لریده هم بوکبی قینچلیک موجود لیگینی ایتگن.

بوندن بیرنیچه ییل آلدین اوقوتوچیلر اوچون شهرچه لر قوریلیشی معارف وزیرلیگی تمانیدن وعده بیریلگن ایدی.