جوزجانده عیال پلیس لریدن بیری اکه لری تمانیدن اولدیریلگن

جوزجان ولایتی نینگ محلی رسمیلری بی بی سی بیلن بولگن صحبتیده عیال پلیس لریدن بیری کونی کیچه اویده اوز اکه لری تمانیدن اولدیریلگنینی تصدیق لب، اولرنی قولگه آلیش اوچون قیدرو عملیاتی باشلنگیدن خبربیرگن.

جوزجان ولایتی پلیس اداره سی نینگ عملیات لر بویچه مسوولی عبدالمنان روفی بی بی سی اوزبیک خذمتی بیلن بولگن صحبتیده گل پری ناملی عیال پولیس، اکه لری تمانیدن کیچه اولدیریلگنینی تاکیدله گن، اونگه کوره اولدیریلگن بوعیال ، تورمیشگه چیقیب نیچه فرزند انه سی ایکن، حادثه یوزبیرگن پیت تورمیش اورتاغی اویده بولمه گنی ایتیله دی.

شونینگ دیک روفی جنابلری مذکور عیال بوندن قریب اوچ آی الدین پلیس صفیگه کیرگنینی معلوم قیلدی . شونگه قوشیمچه قیلیب او، حادثه ده قولی بارلیکده عیبدارتانیلگن شخصلرنی توتیش اوچون قیدرو عملیات باشلنگنینی ایتگن.

هرچند بو عیال میراث نی تقسیم لش خصوصیده پیدا بولگن جنجل باعث اکه لری تمانیدن اولدیریلگنی ایتیله دی ، لیکن رسمیلر حاضرگه چه عیال پلیسی نینگ قندی اولدیریلگنیگه عامل نیمه بولگنی حاضرگه قدرهم بیللی بولمه گنینی ایتگن.

رسمی معلومات لرگه کوره جوزجان ولایتی نینگ پلیس اداره سیده ییگرمه گه یقین عیال، پلیس صفتیده فعالیت آلیب باررایکن، اولردن بیته سی "گل پری" اوز اکه لری تمانیدن اولدیریلگن.