اوزبکیستان اسلامی حرکتی نینگ مهم قوماندان لریدن بیری قولگه آلینگن

ناتو کوچلریگه کوره، اوزبکیستان اسلامی حرکتی نینگ مهم قوماندانلریدن بیری، شمالی بغلان ولایتیدن قولگه آلینگن. ناتوکوچلری نینگ ایتیشیچه قولگه آلینگن شخص تروریستی عملیات لرنی رهبرلیک قیلرایکن.

شونینگ دیک ناتو کوچلری مذکور شخص شمالی بغلان ولایتیده یول چیککه سیده ماین اورنه تیش، همده افغان عصانچیلرینی مشق و تیارگرلیک لردن اوتکزیش اوچون هم کته رولی بولگنینی اورغوله گن.

بوشخص بغلان ولایتی نینگ بورکه تومنیده عصانچیلیک فعالیت لرنی پلانشتره یاتگن بیر پیت ناتو و افغان کوچلری نینگ قوشمه عملیاتی نتیجه سیده قولگه آلینگن.

ناتو کوچلری حبسگه آلینگن شخص باره سیده تولیق معلومات بیرمه گن.

بوندن ایکی هفته الدین اوزبکیستان اسلامی حرکتی نینگ باشقه بیر مهم نفری قندوز ولایتیدن توتیلگنی خبرقیلینگن ایدی. شونینگ دیک اوزبکیستان اسلامی حرکت اعضالریدن باشقه بیر جوزجان ولایتیدن قولگه آلینگنی ایتیلگن ایدی.

اوزبکیستان اسلامی حرکت اعضالری نینگ سونگی وقتلرده شمالی ولایت لرده انچه فعال بولگنی ایتیلماقده.