استیضاح بولگن ایکی وزیر اکثریت آوازنی قولگه کیرتدی

افغانستان کانلر همده مدنیت و خبرلر وزیرلری چهارشنبه کونی، پارلمان اعضالری نینگ قناعت آوازینی قولگه کیرتییشگه قادر بولمی بوگون استیضاح قیلیندی، لیکن اکثریت آوازنی قولگه کیرتدی.

افغانستان اولوسی جرگه سی یلیک فایز بودجه لرینی صرف ایتشگه قادر بوله آلمه گن وزیرلرنی پارلمانگه جواب گرلیککه چقیرگن ایدی.وزیرلر دن بیر تعدادی تمانیدن بیریلگن جوابلر پارلمان اعضالرینی ایشانچینی قانیقتیریب، اولرگه قناعت آواز بیردی . اما اولر جمله سیدن افغانستان کانلر وزیری وحیدالله شهرانی همده مدنیت وخبرلر وزیری سیدمخدوم رهین، اکثریت قناعت راینی کسب ایتیشگه قادربولمه گنی اوچون بوگون استیضاح بولدی.

بو حالت دن ایکی کون اوتدی، اما بوگون استیضاح بولگن ایکی وزیرهم اکثریت ایشانچ آوازنی قولگه کیتریشگه موفق بولدیلر.

بوکونگی عمومی یغینده 215 وکیل حصصه قوشگن ایدیلر.

کانلر وزیری وحیدالله شهرانی، 133 اکثریت آوازنی قولگه کیرتیب اوز وظیفه سیگه دوام بیریشگه صلاحیت بیریلدی.

شونینگدیک مدنیت و خبرلر وزیری سیدمخدوم رهین هم 132 ایشانچ اوزانی قولگه کیرتیشی بیلن اوز لوازمیگه قالدی.

افغانستان مدافعه ، ایچکی ایشلر، شهرقوریش و عالی اوقو وزیرلری هم بودجه لرینی صرف لشگه قادر بولمه گنلیک لری باعث استیضاح اوچون چقریلیشی قرارقیلینگن ایدی. حکومت بو وزیرلر قسقه مدت ایچیده مذکور لوازملرگه تعین ایتیلگنی سبب اولرنی استیضاح قیلیش توغری ایمس لیگینی ایتگن ایدی .

پارلمان بوکونکی جلسه سونگیده بو وزیرلر باره سیده هم قرار الیشلرینی مباحثه ایتیب اکثریت ملت وکیللری مذکور وزیرلرنی استیضاح بولیمسلگیگه قرار قبول قیلدیلر.