سیاسی ایتلاف وحزبلر شوراسی ارک یغنینی تحریم قیلدی

افغانستان سیاسی حزب و ایتلافلری آره سیده گی همکارلیک کینگشی، جمهور رییس کرزی سیلاولر کمیسیونی باشلیغی نی اوز طرفدارلریدن تعین ایتیش اوچون سعی و حرکت قیله یاتگنینی ایتگن.

عین حالده سیاسی حزبلر همکارلیک کینگشی جمهوررییس شونده ی حرکت بیلن کیله جک سیلاو ایشلریده اره له شیش زمینه سینی یره تماقچی دیب ادعا قیلگنلر.

اولرگه کوره، جمهورریس کرزی عینی مقصد اوچون جهاد رهبرلری و سیاسی حزبلر اشتراکی بیلن بیر ییغین اوتکرگن. اما اولر کرزی نینگ بو حرکتی گه قرشی لیک بیلدیرگنینی اورغوله گن. جمهور رییسلیک سرایی مستقل سیلاولر مستقل کمیسیونی رییسی نی تعیینلش اوچون ییغین اوتکزیلگنینی تصدیقله گن، اما بو ایش ینگی قانون اساسیده عملیگه آشیریلگنی نی معلوم قیلگن.

افغانستان سیلاولر مستقل کمیسیونی باشلیغی نینگ ایش مدتی نیچه کون دن سونگ، اوز نهایه سیگه ییته دی. شو سبب دن افغانستان جمهورریسی حامدکرزی سیاسی حزب و جهادی رهبرلر اشتراکی بیلن جمهور ریسلیک سراییده بیر ییغین اوتکزگن. بیراق ییگیرمه دن آرتیق سیاسی حزب و اتفاقدن عبارت بولگن حزبلرنینگ همکارلیک کینگشی، کرزی نینگ بوعملیگه جدی قرشی ایکنینی ایتگن. همده حزبلرهمکارلیک شوراسی اعضالری بوگون کابلده بیر ییغین اوتکزیب جمهورریس کرزی شونده ی حرکتی بیلن اوزیگه طرفدار بیرکیشینی مستقل سیلاو کمیسیونی رهبری ایتیب تعین لش نیتیده ایکنینی ادعا قیلگنلر. بوحقده اوشبو شورا اعضالریدن بیری فضل رحمان اوریا گپیره دی:"بیز هیچ قچان ایرکین، بی طرف، عدالتلی و شفاف سیلاو گه نایل بوله آلمه میز، بو سیلاو ایمس بلکه تعینلنیش بوله دی. جمهور رییس شو روش بیلن اوزی گه موافق بیرکیشی تعینلب، ارگکه آلیب باریب، بو بیلن مملکت نی بیر ینگی بحران گه روپه ره قیلماقچی."

شونگه قوشیمچه سیاسی حزبلر شوراسی، سیلاولر قانون لایحه سینی کوریب چیقیش اوچون پارلمان تمانیدن ایجاد ایتیلگن کمیسیون ایشلریگه هم کرزی نینگ اره له شه یاتگنینی ادعا قیلگن.

جمهور رییسلیک سرایی، سیلاولر کمیسیونی باشلبغینی تعینلش اوچون سیاسی حزب باشلیغ لری و جهادی رهبرلر اشتراکی بیلن، مصلحتی بیریغین اوتکزیلگنینی تصدیق له یدی همده، ریاست جمهورلیک سرایی سوزچیسی اورین باسری عادله راز، مستقل سیلاولر قانونی لایحه سی تصدیق لنگنیدن سونگ، مذکور قانون اساسیده سلاولر کیمسیون رییسی تعین ایتلیشی ممکن لیگینی ایتدی:"بو بیر مصلحت ییغینی ایدی بو ییغینده پارلمان اعضالری و جهاد قوماندانلری قتنشگن ایدیلر. اوشبو ییغینده تمانلر سیلاولر مستقل کمیسیونی رییسی تعینلنیشی حقیده بحث ایتیلدی و سیلاولر قاتونی لایحه سی پارلمان تمانیدن تصدیقلنگنی دن سونک سیلاولر رییسی هم تعیین ایتیلیشی باره سیده قرار قبول قیلیندی."

ملی کینگش تمانیدن ایجاد ایتیلگن قوشمه کمیسیون ایسه، مستقل سیلاولر کمیسیونی صلاحیت لر و تشکیلات قانون لایحه سی نینگ اکثری ماده لری باره سیده کیلیشیلیگنینی ایتیب، یقین آره ده بو قانون نی تصدیقلش ایشلری تکمیل بولیشی حقیده امیدبیلدیرگن.

افغان حکومتی هم ینگی قانون اساسیده، مستقل سیلاولر کمیسیون باشلیغی تعین ایتلیشینی تاکیدله گن.اما سیاسی حزبلرنینگ همکارلیک کینگشی، بو کمیسیون جمهور رییس کرزی ادملریدن تشکیل ایتلیگنینی ادعاقیلگن همده اوشبو کینگش رهبرلری بوموضوع کیله جک سیلاولرنینگ شفافلیگینی هم سوال آستیگه قویشی ممکنلیگی باره سیده آگاه لنتیرگن.