کرزی و اوباما، کیله جک ریاست جمهورلیک سیلاو مسله لرینی مباحثه ایتگن

افغانستان و امریکا جمهوررییس لری تیلفونی علاقه قوریب ، کیله جک ریاست جمهورلیک سیلاو تیارگرلیک لری همده خوف سیزلیک مسوولیت لرینی افغان کوچلریگه تاپشریش جریانینی محاکمه قیلگنلر.

مذکور تیلفونی علاقه ده ایککی رهبرهم کیله جک سیلاونی شفاف بولیب اوتیشنی تاکیدله گن، ریاست جمهورلیک سرای تمانیدن چیقاریلگن، بیاناتده یازیلیشچه حامدکرزی " کیله جک سیلاوباره سیده گی تیارلیک لر اوستیگه توخته تیلیب شفاف بیر سیلاو بولیب اوتیشی حقیده امید بیلدیرگن."

کیله جک ریاست جمهورلیک سیلاو نینگ بولیب اوتیشگه قریب بیرییل قالرایکن، بومسله ایسه قیزیق بحث لرگه سبب بولیب کیلماقده. چونکی ایریم سیاسی حزب و اپوزیسیون گروه لر سیلاواوچون الیب باریله یاتگن تیارگرلیک لرنی قانیقرلی بیلمی شوباعث هم کیله جک سیلاونی شفاف بولیب اوتیشی خصوصیده خواطر اظهارایتماقده. بوموضوع افغانستان وامریکا جمهورریسلری اره سیده هم تیلفونی علاقه ارقه لی محاکمه ایتلیب ایککی رهبرهم سیلاونی شفاف بولیب اوتیشنی تاکیدله گن.

شونگه علاوه کرزی جنابلری اوشبو تیلفونی علاقه ده ایچکی وتشقی حلقه لرگه کیله جک جمهورلیک سیلاو مسله لریگه اره له شیشگه ایزین بیرمسلیگینی علیحیده تاکیدله گن.

باشقه تماندن ایککی جمهورریس، خوف سیزلیک مسوولیت لرینی افغانلرگه تاپشریش جریانی باره سیده هم صحبت آلیبب باریب افغانستان بویلب خوف سیزلیک مسوولیت لرینی افغان لرگه تاپشریش ریجه سینی عملی بولیشینی خوش قرشی له گن لر.

حربی عملیات لرده عادی اهالی قربان بولیب کیله یاتگنی هم صحبتنی بیرقسمی بولیب جمهورریسی کرزی بوکبی حالتلر، امریکا وا فغانستان اره سیده امضاله نیشی کوتیله یاتگن امنیتی پیمان اوچون منفی تاثیری قویشینی ایتگن.

عینی حالده بو تیلفونی علاقه ده، کرزی نینگ بوندن الدین قطرگه بولگن سفری باره سیده هم صحبت بولیب، امریکا جمهورریسی اوشبو سفرنی صلح اوچون فایده لی بولیشگه امیدوار لیک بیلدیرگن.

ریاست جمهورلیک سرای تمانیدن چیقاریلگن بیاناتده یازیلیشچه، امریکا جمهوررییسی حامدکرزی کیله جک سیلاو قوشیمچه مباحثه ایتلگن برچه موضوع لر باره سیده امریکا نینگ دیرلی همکارلیک قیلیشینی سوزبیرگن.