"صلح کیلیشووگه ایریشیش ضرور"

بریتانیا پارلمانی نینگ مدافعه کمیته سی بیر حسابات ترقه تیب، طالبان بیلن تینچلیک کیلشووگه ایریشیش خارجی کوچلرنینگ اوشبو مملکتنی ترک ایتگندن سونگ، افغانستان کیله جگی کفالت له نیشی ضرورلیگینی ایتگن.

مدافعه کمیته سی ، اوشبو کیلشووگه ایریشیلمه گن حالده افغانستانده ایچکی اوروشلر یوزبیریشی ممکن لیگی حقیده آگاه لنتیرگن.

بریتانیا وکیللر نینگ ایتیشیچه 2014 ییلدن کین بریتانیا عسکر لری افغانستان دن چیقیب کیتگن حالده هم ، افغانستان وضعیتینی یخشی لشتریش اوچون اوز نفوذ تاثیردن فایده له نیشی کیره ک.

بریتانیا مدافعه وزیری فیلیپ هموند، افغانستان "دایمی سیاسی کیلیشوو " گه ایریشیش اوچون بریتانیا نینگ یاردم بیریشینی ایتگن.

شونگه قوشیمچه حساباتده، میلادی 2014 ییلده بریتانیا کوچلری نینگ افغانستاندن چیقیب کیتیشی اورغوله گن.

مذکور کمیته نینگ اوشبو حساباتده ایریم تکلیف لرنی هم ایلگری سورگن.

ایرکین سیلاو، افغان امنیتی کوچلرنینگ مشق و تیارگرلیک لردن اوتکزیش، یاردملرنینگ دوام تارتیش حساباتده کیرتیلگن تکلیف لرنینگ اساسی قسمینی تشکیل بیره دی.

همده فساد ومخدرماده لرگه قرشی جدی کوره شیش مسله لریگه هم اعتبار قره تیلیشی تاکیدلنگن.

بریتانیا مدافعه کمیته سی نینگ وکیللریدن بیری جیمز آربثتنت افغانستان کیله جگی باره سیده قولگه کیریتگن بشارت لر تینگ بولمه گنینی ایتگن.

اونگه کوره " بریتانیا نفوذی چیکلنگن بولیب افغانستان خلقی اوز کیله جک لرینی اوزلری تعین لشلری کیره ک "

حاضرگه قره گنده، توقیز مینگ بریتانیا لیک افغانستانده موجود، جاری میلادی ییل آخرلریگه چه تورت مینگ دن کوپراغی افغانستاننی ترک ایتیشی کوتیله دی.

بریتانیا مدافعه وزیری فیلیپ هموند، بو حسابات نی خوش قرش له گن، عینی حالده افغانستان حکومتی کیله جکده افغانستان امنیتینی تامین لش قابلیتگه ایگه بولیشیگه امید بیلدیرگن.

هموند جنابلریگه کوره، حاضرگه قره گنده " 80 فایزدن ارتیق عملیات لر افغان کوچلری تمانیدن باشقریلیب کیلینماقده. بوایسه افغان کوچلری نینگ کوچلنگنینی کورسه ته دی."

شونگه علاوه او، افغانستان دایمی سیاسی ثباتگه ایریشیش اوچون بریتانیا نینگ همکارلیک قیلیشینی تیلگه آلگن.

بریتانیا مدافعه وزیری نینگ ایتیشچه او مملکت افغانستانده، دولت وترقیاتنی حمایت ایتیش جریانینی کیله سی بیردهه گه چه دوام ایتیب، 2017 ییلگه چه هرییلی افغانستانده 272 میلیون دالر خرجت صرفله شی ممکن.