جوزجانده ایکی کونده ایکی یاش قیزنینگ اولیمگه سبب نیمه؟

جوزجان ولایتی نینگ پلیس باشلیغی عزیزالله غیرت نینگ بی بی سی گه ایتیشیچه، بو قیزلردن بیری اوتگن کون آته سینی تفنگه چه سی بیلن اوزینی آتیب اولدیرگن وباشقه بیری ایسه اویلریده اولیب، کینچه لیک اونینگ جسدی کسلخانه گه کیلتریلگن.

جوزجان پلیس باشلیغی عزیزالله غیرت بی بی سی بیلن بولگن صحبتیده بو قیز نینگ آته سی پلیس خادمی بولگنینی ایتیب. قیزنی قندی اولگنینی انیق بیلیش اوچون اونینگ اوستیدن تحقیقات باشلنگنینی تاکیدله دی.

اون سکیز یاشیده بولگن باشقه بیر قیز اویلریده اولیب کینچه لیک اونینگ جسدی شفاخانه گه کیلتیریلگن. پلیس مقاملریگه کوره، بو قیزنینگ اکه سی پلیس کوچلری تمانیدن توتیلگن.

جوزجان ولایتی نینگ ولایتی کسلخانه رییسی میرویس امینی، جسدی بوگون کسلخانه گه کیلتریلگن قیزنینگ کلتکلنگنی حقیده ایریم نشانه لر موجود لیگینی ایتگن.

جوزجان پلیسی، دستلبکی تحقیقات نتیجه سیگه کوره بو ایکی قیز نی اولمیگه سبب عایله وی زوروانلیک بولگنی ممکن لیگینی اورغوله گن، اما انیق تحقیقات نتیجه سی بیرنیچه کوندن کیین معلوم بولیشینی ایتگن.

بوندن بیرنیچه کون آلدین جوزجان ولایتی نینگ مستقل انسان حقلرینی سقلش کمیسیون باشلیغی سونگی پیتلرده قیزلرنی اولدیریش حاللری کوپلب کوزه تیله یاتگنیدن خواطر اظهارایتگن ایدی.