غزنی رسمی شکلده اسلام مدنیت مرکزی دیه اعلان قیلیندی

میلادی 2007 ییلده آی سیسکو ناملی تشکیلات تمانیدن لیبیاده اوتکزیلگن یغینده غزنی ولایتی میلادی 2013 ییل اسلام مدنیت مرکزی دیه نامله نیشیگه قرار قبول قیلگن ایدی بوگون رسما اعلان قیلیندی.

عزنی اسلام مدنیت مرکزی دیه رسمی شکلده اعلان قیلیشنیشی بیرقنچه تشقی وایچکی یوقاری مرتبه لی مهمانلر اشتراکی بیلن بولیب اوتدی.

افغانستان مدنیت وخبرلر وزیری سید مخدوم رهین، غزنیده گی تاریخی ابده لرنی قیته تیکلش اوچون مالی یاردم بیرگن برچه تشقی اولکه لردن مندارچیلیک بیلدیردی.

شونگه علاوه او، غزنی بیرمینگ ییل آلدین هم مدنیت مرکزی بولگنینی اورغولب بو ولایت نی 2013 ییل رسمی شکلده اسلام مدنیت مرکزی نامله نیشی اسلامی اولکه لری اره سیده بیردملیکنی کوچیتریشگه ایجابی توشیشگه امیدوارلیک بیلدیردی:"شک سیز غزنه ولایتی نینگ اسلام مدنیت مرکزی دیه اعلان ایتیلیشی، بیردملیکنی کوچیتریش و اسلامی اولکه لر اره سیده علاقه لرنی کوچیتریش اوچون یخشی زمینه یره ته دی. همده اسلام مدنیتی نینگ جهان بویلب تاثیراتینی کورسه تیش اوچون ایجابی توشه دی."

ای سیسکو ناملی تشکیلاتی نینگ مسووللریدن داکتر عباس صدری، افغانستان مدنیت وخبرلر وزیرلیگی بیلن ایریم کیلشوو بیتم امضالش همده غزنی خصوصیده تورلی برنامه لرعملی بولیشینی تیلگه آلدی.

ایران نینگ مدنیت وخبرلر وزیری سید محمد حسین، افغانستان وایران واولکه لری اره سیده فرهنگی علاقه لر موجود لیگینی اورغولب، عینی مناسبت بیلن ایرانده بیر قطار برنامه لر یولگه قویلیشدن خبربیردی.

قویلیشیدن خبربیردی:"بوییل نیچه برنامه یولگه قویماقچی میز غزنوی دیک شاعرلرنی یادلش کبی برنامه لر ، کوپ کتابلرهم چاپ ایتگن میز، ایندی بو ایکی مملکت قوشمه فرهنگی علاقه لرگه ایگه."

عزنیده گی مهم تاریخی آبده لر بیرقطار برنامه لرنی عملی بولمه گنی جدی تنقیدلرنی توغدیرگن اما غزنی حاکمی موسی خان اکبرزاده میزان ایگه قدر کتته پروزه لر عملی بولیشیگه ایشانچ بیلدیردی:"میزان آیگه قدر وقتی میز بار، مخصوص بیر هوتل و ییللیک اپارتمان قوریلیشی ریجه لنگن، همده افغانستانده مثلی کوریلمه نگ بیر سالون هم ایجاد ایتله دی. شونینگ دیک هوا قونالغاسی ایشی هم توگیدی، بو بیر آچیلیش ایدی. اصلی مراسم میزان آیده یولگه قویلیب اون بیش کونگه قدر دوام تارته دی."

2007 ییلده ای سیس کو تشکیلاتی نینگ لیبیا مرکزی طرابلس ده اوتکزگن یغینده میلادی 2013 ییل غزنی اسلام مدنیت مرکزی نامله نیشی خصوصیده قرار قبول قیلنگن ایدی.اصلی مرکزی مراکش مملکت نینگ نیجه شهریده بولگن آی سیسکو ناملی تشکیلات هرییلی اسلامی مملکت لر جمله سیدن اوچ شهرنی تنلیدی.

بیری شمالی افریقا بیری عرب مملکت لری باشقه بیری هم مرکزی وجنوبی آسیادن. مرکزی جنوبی آسیا شهرلر جمهل سیدن غزنی اسلام مدنیت مرکزی دیه ناملنگن.