مولانا بيليم يورتي رييسي قوراللي ناتنيش شخصلر تمانيدن اولديريلگن

قوراللي ناتنيش شخصلر بلخ ولايتيده جايلشگن بير خصوصي بيليم يورت رييسي ني اولديريب تشله گنلر.

بلخ محلي خوفسيزليك ملازملري، قوراللي ناتنيش شخصلر، مولانا بيليم يورتي رييسي ني اوغرلب كيتگنلريدن سونگ، قتل ايتگني ني

ايتگنلر. اولر، قضيه جدي روشده تيكشيريله ياتگني دن خبر بيرگنلر.

سونگي پيتلر، مملكت شمالي بيرقطار ولايتلريده آدم اوغيرلش وقتل حالتلري ميزاني آشيب باره ياتگني ايتيله دي. اوشبو حادثه بوگون

مزارشريفده روي بيرگن. بلخ امنيه قوماندانليگي رسميلري، حادثه ني تصديقله گنلر.

اولرگه كوره، قوراللي نا تنيش شخصلر مولانا خصوصي عالي تعليم موسسه سي ريسي محمد ظريف انوري ني اوغرلب كيتگنلري دن سونگ، اولديريب تشله

گنلر.

بلخ امنيه قومانداني جنرال محمد ساليم احساس، قوراللي شخصلر، مولانا عالي بيليم يورتي رييسي ني اوغيرله گن شخصلر،

اوندن پول سورمه گن دييدي.

اوغيريلر تمانيدن پول طلب قيلينمه گن. اولر بيلن هيچ قنده ي علاقه هم اورنه تيلمه گن. استاذ ظريف اونچه باي بدولت كيشي ايمس ايدي كه اولرگه پول بيريب اوزي ني قوتقزسه ايدي.

بيز بوحقده انيق حجت و گواه قولگه كيريتمه گنميز. پوليس بو خصوصده تيز عمل قيلماقده.

ايتيليشيچه، انوري جنابلري بوندن ايكي كوندن آلدين بلخ ولايتي نينگ كمر بند منطقه سيده قوره ياتگن مولانا خصوصي بيليم يورتي بنا سي ني يقين دن كوريب چيقه ياتگن بيرپيتده، ناتنيش قوراللي شخصلر تمانيدن اوغيرلب كيتيلگن.

خوفسيزليك خادملري، محمد ظريف انوري نينگ جسدي ني ايكي كون دن كيين، مزارشريف و بلخ چهار راهه سيدن تاپيب آلگنلر. پوليس نينگ ايتيشيچه، اونينگ قتل سببلري هنوزگچه معلوم قيلينمه گن.

مملكت شماليده جايلشگن بلخ ولايتي تينچ ولايتلر جمله سيدن سنه له دي. اما سونگي پيتلرده اوشبو ولايت نينگ بيرقطار منطقه لريده زوره وانليك ونا برقرارليك لر ميزاني آشگني ايتيله دي. مسوول شخصلر، سونگي پيتلرده اوشبو ولايت نينگ كوپچيليك حدودلريده قتل، اوغرچيليك و باشقه شونگه اوخشش ناخوش حادثه لر ميزاني آشيب باره ياتگني دن گپيرماقده لر.

عين حالده، اوشبو ولايت اهاليسي اوز منطقه لريده پارتلش و قوراللي مخالفلرنينگ نفوذي كوپه يب باره ياتگني باره سيده خواطر بيلديرگنلر. اوتگن بير نيچه آي اييچده مملكت نينگ كوپچيليك ولايتلري قوراللي مخالفلر همده مسئوليت سيز قوراللي

شخصلرنينگ كينگ فعاليتيگه گواه بولگن.

كورينيشيچه، هرات، بلخ، كابل و باميان ولايتلريده نيچه آي ايچيده قطار آدم اوغيرلش وقتل

حادثه لري عملگه آشيريلگن. بيرقطار كوزه تووچيلرگه كوره، آدم اغيريلر، باله لر و نفوذلي شخصلرني پول قولگه

كيريتيش اوچون اوغيرلب كيته ديلر