ناتو پاکستاندن عصیانچیلرگه قرشی جدی کوره ش آلیب باریشینی طلب قیلدی

ناتو نینگ عمومی قوماندانی اندرس راسموسن، پاکستانده باش پناه گه ایگه بولیب افغانستانگه هجوم اویشتیره دیگن عصیانچیلرگه قرشی جدی کوره ش آلیب باریشینی پاکستان حکومتیدن طلب قیلگن.

ناتو قوماندانی بو سوزلرنی امریکا واسطه چیلیگی بیلن پاکستان وافغانستان آره سیده پیدا بولگن ضدیت لرنی کمیتریش اوچون اوتکزیله یاتگن یغینده اظهارایتگن.

میلادی 2014 ییل آخرلریگه ناتونینگ افغانستانده گی حربی ماموریتی نهایه تاپیشی اعلان قیلینگن.اما افغانستان جمهوررییس حامدکرزی، ناتو حمایتینی کوته یاتگنینی معلوم قیلگن.

اندرس راسموسن بروکسل ده صلح خصوصیده بیان ایتگن سوزلریده شوندی دیگن:" افغانستان و منطقه بویچه دایمی تینچلیک اورنه تیلیشینی ایسته سک ، پاکستان نینگ فعال حصه قوشیشیگه نیازی میز بار."

شونینگ دیک ن راسموسن، افغانستان و پاکستان نینگ تروریزمگه قرشی کوره شیشگه قوشمه منفعت لری بولیشینی تاکیدله گن.

شونگه قوشیمچه قیلیب ناتو قوماندانی، حاضرگی کونده خوف سیزلیک مسوولیت لری ناتو کوچلریدن افغان امنیتی کوچلریگه تاپشریله یاتگنینی اورغولب، کیله جکده ایساف رولی " اوروش " دن " حمایه قیلیش رولیگه اوزگریشنی تاکیدله گن.

افغانستان جمهوررییسی حامدکرزی، افغان امنیتی کوچلر افغانستان امنیتی نی توله تامین ایتیشگه قادر ایکنیگه ایشانچ بیلدیرگن.

حامدکرزی امریکا قوشمه ایالت لری نینگ تشقی ایشلر وزیری جان کری بیلن اوچره شیش کوتیله دی.

شونینگدیک، کرزی، امریکا و پاکستان تشقی ایشلر وزیرلری، اوچ تمانلمه یغین اوتکزیشی کوتیله دی.