افغانستانده یوزبیرگن سیلاب وییر سیلکنیش 38 کیشی دن جان آلگن

ریاست جمهورلیک سرای بیر بیانات ترقه تیب اوتگن کون یوزبیرگن ییرسیلکنیشده 18کیشی و افغانستان شمالیده روی بیرگن سیلابده 20 کیشی قربان بولگنیدن خبربیرگن

امریکا زمین شناس لیک سازمانی مذکور سیلکنیش 5 نقطه 7 درجه ریشتر دیه اعلام قیلگن. عینی حالده بو ییر سیلکنیش مرکزی، ننگرهار ولایتی نینگ مرکزی جلال آباد شهری نینگ 24 کیلومتر اوزاقلیگیده جایلشگن شمال غربی حدودی بولگنینی معلوم قیلگن.

ننگرهار رسمیلری اوشبو ییرسیلکنیشده کمیده 16 کیشی قربان و یوزگه یقین انسان یره لنگنینی تصدیق له گن.

شونینگ دیک یوزلب اهالی اوز اوی جایلرینی قولدن بیرگنی ایتیلماقده.

ننگرهار ولایتی نینگ ولایت حاکمی سوزچیسی احمدضیا عبدالزی بی بی سی بیلن بولگن صحبتیده کامه، گوشته دره نور، سرخ رود ، بتی کوت و لعل پور تومنلری کوپ خساره کورگنی ایتیله دی.

شونگه علاوه، کنر ولایتی نینگ ولایت حاکمی سوزچیسی واصف الله واصفی کنرده هم بیر کیشی قربان بولیب وبیرقنچه اوی ویران ایتیلگنینی معلوم قیلگن.

بو زلزله کابل و اسلام اباد ده هم حس ایتیلگن.

ریاست جمهورلیک سرای بیر بیانات ترقه تیب، افغانستان شرقیده یوزبیرگن ییر سیلکنیشده 18 انسان و شمالی بلخ ولایتیده روی بیرگن سیلابده 20 کیشی هلاک بولگنینی ایتگن.

شونینگ دیک بغلان و غور ولایت لریده هم سیلاب روی بیریب اهالیگه مالی وجانی تلفات یتکزیلگنی ایتیله دی. اما ارتیق معلومات بیریلمه گن.

جمهوررییس حامدکرزی، خساره کورگن اهالیگه یاردم یتکزیش اوچون طبیعی افت لرگه قرشی کوره شیش اداره سیگه بویوروغ بیرگن.

اوتگن ییل شمالی بغلان ولایتیده ییرسیلکنیش یوزبیریب 75 کیشدن جان آلگن ایدی.