کرزی : امریکا خوف سیزلیک کینگشیگه پول بیرگن

Image caption افغانستان جمهور رئیسی امریکا حکومتی افغانستان ملی کینگاشیگه مالی یاردم قیلگنینی تصدیق له گن .

اوچ ییل مابینیده کرزی ماموریتی رهبری اورین باسری بولگن خلیل رومان نینگ نیویارک تایمز روزنامه سیگه ایتیشیچه، بو پوللر" کورینمس پوللر" دیه ایتیشگن.

بو کبی دعوا لرنی ایضاح لشدن باش تارتگن امریکا مرکزی جاسوسلیک باشقرمه سی ییللر مابینیده کرزی یا اونینگ یاردم چیلرینی قولب کیلگن معلوم دیله دی مقاله دی.

لیکن بو پوللر جاسوسلیک خذمتی ایسته گن تاثیرنی الیب کیلگن لیگی دلیل لر کم. عکسینچه، بیز امریکا رسمیلری نینگ ایتیشلریچه، بو پوللر اداری فساد نینگ کینگ قولاچ یاییشگه تورتکی بیریب، دله قوماندانلرنینگ قدرتی کوچیشگه یا نتیجه ده افغانستان ده خارجی کوچلرنینگ آلیب چیقیلیشی استراتیژی سیگه سلبی تاثیر کورسه ته دی.

جمهوررییس کرزیگه نقد پول ایتکیزیب تورگن فقط گینه امریکا ایمس ایدی ، ایران هم بیر نیچه ییل اول بو عملنی قیلگن لیگینی تن آلگندی ، دیله دی مقاله دی.

اوشنده امریکا لیکلر ایران نینگ بو یوروغینی تنقید قیلیشگندی، لیکن مرکزی جاسوسلیک آژانسی هم شوندی قیلگنی، یاده هنوز قیله یاتگنی حقیده هیچ نیمه دیلمه گن.

بوکبی تولاولردن خبردار بولگن امریکا و افغانستان رسمیلری نینگ روزنامه گه ایتیشلریچه، جاسوسلیک اداره سی نینگ اساسی مقصدی جناب کرزی و اونینگ اطرافیده گی آدملریگه یول تاپیش و جمهوررییس سرایده تاثیرگه ایگه بولیشی ایدی. لیکن، مقاله ده ایتلیشیچه، جناب کرزیگه تولنه یاتگن پوللر آرتیشی بیلن اونینگ امریکا و ایراننی بعضی مسله لر باره سیده تنقید قیلش حاللری هم کوپه یه بارگن.

مقاله ده ایتلیشچه، بو پوللریننگ اکثری گیاه وند ماده لر سودا سی و یا القاعده بیلن علاقه دارلیکده بولگن قوماندانلری یا سیاستچیلرنی ساتیب آلیش اوچون صرف لنگن.

نیویارک تایمزنینگ ایتییشچه، امریکا جاسوسلیک اداره سی اوچون نیقد پول تولش میلادی 2001 ییل اوروش باشلنگنیدن بیری قوللنگن عمل بولیب کیلگن. امریکا رسمیلریدن بیری نینگ ایتیشچه، دستلب قوماندانلرگه طالبلرنی آغدریش اوچون پول تولشگن.

کرزی ماموریتی رهبری اورین باسری نینگ ایتیشیچه ، 2002 ییل دسمبر آیده ایران لیکلر بیر موترگه آرتیلگن پول بیلن جمهور رئیس لیک سراییگه کیلشگن.کیلگوسی آیده ایسه امریکا جاسوس لیک آژانس پول آلیب کیله باشله گن .

اونگه کوره، هرمرته قنچه پول آلیب کیلگنلیگنی هیچ کیم انیقلیک بیلن ایته آلمیدی. افغان رسمی لریگه کوره ، کورنیشیچه تهراندن کیلگن پوللر امریکا دن کیله یایتگن پوللرگه قره گنده انچه یین آشگار یولده صرف لنگن .

ایران بیرگن نقد پوللر کرزی ماموریتی رهبری آرقه لی بیر قسمی جمهور رئیس نامیده گی حسابگه، باشقه قسمی ایسه سرای نینگ اوزیده سقلنگن. پوللر مقداری وزیرلر محکمه سی مجلسیده اعلان قیلنگن. بو رسمی نینگ ایتیشیچه ایران لیکلر ییلیگه 3 میلیون دن 10 میلیون داللرگه قدر بیرشگن.

بوندن اوچ ییل اول ایرانلیکلر بیره یاتگن پوللر حقیده خبرلر چیققن وقتی جناب کرزی بو اوچون اولردن منتدار ایکنلیکلرینی ایته توریب، امریکالیکلر هم خودی شوندی قیلیشه دی ، دییه علاوه قیلگن ایکن.

کیینچه لیک جناب کرزی امریکا تمانیدن اجره تیلگن میلیونلب رسمی مادی یاردم حقیده گپرگنلیگینی اضافه قیلگن، لیکن جمهور رئیس مصلحتچی لریدن بیری نینگ یقینده ایتیشیجه اصلیده سوز امریکا جاسوس لیک آژانسدن کیله یاتگن پوللر حقیده ایدی. رسمی نینگ ایتیشچه ، بو آژانسدن پوللرنی ملی خوف سیزلیک کینگاشیده گی کیچیک بیر گروه باشقره دی .

فنلند گه سفرقیلگن افغانستان جمهور رئیسی حامد کرزی اییسه مخبرلرگه، امریکا حکومتی خوف سیزلیک کینگاشینی اوتکن بیرنیچه ییل جریانیده حمایه قیلیب کیلگنینی تن آلگن .اونگه کوره بیرلگن مبلغ کوپ بولمه گن.حامد کرزی عینی پوللر کسللرنی دوالش دن توتیب تورلی مقصد لر اوچون صرف لنگنینی تاکید له گن .

او عینی دمده کورسه تیلگن یاردم لردن منتدار ایکنینی بیلدرگن.