افغانستان و پاکستان چیگره کوچلری آره سیده بوگون ینه هم اوریش یوز بیرگن

افغانستان نینگ جنوب شرقی رسمیلریگه کوره، بو اوریشلر افغانستان حدودیده پاکستان تمانیدن قیته دن چیگره پوسته توزه لیشی آرتیدن یوز بیرگن.

ننگرهار حاکمی سوزچیسی احمد ضیا عبدالزی نینگ معلوم قیلیشیچه، افغان رسمیلری چیگره قیین چیلیک لرنی مذاکره لر یولیدن حل قیلیش اوچون اورینگن لر اما بو سعی و حرکت لر هنوزگه چه نتیجه بیرمه گن.

حاضر گه قدر پاکستان و افغانستان کوچلری آره سیده یوز بیرگن اوریش لرده گی تلفات لر حقیده معلومات چیقمه گن.

افغانستان و پاکستان چیگره چی لری نینگ اوریش لری کوپ گینه بحث لر گه سبب بولیب کیلماقده. بوگونکی اوریش لر ننگرهار نینگ گوشته تومنیده قریب بیر ساعت دوام تارتگن.

افغانستان ایچکی ایشلر وزیرلیگی افغانستان وپاکستان کوچلری دیورند چیزیغیده گی اوریش لری نینگ توخته تیلیشی پاکستان طلبی اساسیده عملگه آشیریلگنینی ایتگن.

شونده ی بیرحالده پاکستان تشقی ایشلر وزیرلیگی چیگره ده یوزبیرگن اوریش لرنی افغان کوچلری هجومی بیلن باشلنگنی نی ایتگن.

بوگون مملکت پارلمانیده هم خود شو مسئله اوچون بحث بولدی. بیر گروه هیئت چوکاتیده گوشته تومنیدن باریب کیلگن بیر قنچه ملت وکیل لرگه کوره، پاکستان تمانیدن قوریلگن پوسته نینگ اویاقیده پاکستان مردمگه کیم حجتلرینی ترقه تیب، سرک لر و بنا لر قورگنی نی ایته دیلر. مذکور وکیللر بو منطقه اون ییل ایلگری افغانستان حکومتی تمانیدن ساتیلگنی ن ادعا قیله دیلر.

"بیزنی قولیمیزده بولگن سند لرنی ایگلریگه سوردیک، بیز ایتدیک که پاکستان قریب 45 کیلو متر افغانستانگه قره ب کیلگن. و بو امنیتی پوسته لر 10 ییل ایلگری ساتیلگن. امنیتی دروازه جاری ییل نینگ حمل آییده قوریلگنی نی ایتدیک. او ییرده پاکستان بیر بالاحصار نی ایجاد ایتگن. امنیتی پوسته لر و سرک لر ایجاد ایتگن لرهمده سوو و برق نی هم کیلتیرگن لر "

اما مدافعه وزیرلیگی مذکور منطقه ساتیلگن ادعا لرنی رد قیله دی.

مدافعه وزیرلیگی نینگ سوزچیسی جنرال ظاهر عظیمی:

" هیچ کیم تمانیدن هیچ قنده ی کیلیشوو نامه امضا بولمه گن. هر کیم بو گپ نی ایتگن حجت لرینی چیقارسین. دیورند چیزیغی نینگ بیر قنچه حدود لریده وجودگه کیلگن قیینچیلیک لر، بیزنی ملی اردو، پولیس و چیگره پولیسیمیز بولمه گن زمانلرده ایکن. بیز کوچلنگنیمیزدن بیری، هر افغان خوف سیزلیک عسکری توپراغی دن مدافعه ایتیش اوچون یوز مرتبه اولیش نی ایسته دی."

بوندن آلدین راق افغانستان حکومتی گوشته تومنیده قوریلگن امنیتی پوسته لر ناتو نینگ پاکستانگه بیرگن همکارلیگی آرقه لی عملگه آشیریلگنی نی ایتگن ایدی. اما اوشه زمان ناتو بو مسئله نی تیکشیره میز دیب معلوم قیلگن ایدی. ایندی ایسه ناتو تشکیلاتی امنیتی پوسته لرنی پاکستان گه بیرگنی نی رد قلماقده.

مذکور تشکیلات افغانستان وپاکستان چیگره قیین چیلیک لری بیرلشگن ملت لر تشکیلاتی نینگ اره لشیشی بیلن حل بولیشینی معلوم قیلماقده.

ناتو سوزچیسی جنرال کونتر کتز:

" ناتو کوچلری خوف سیزلیک مسوولیتلرنی تاپیشریش جریانیده نیچه آی ایلگری مرزی حدودلرده پوسته لرنی پاکستانگه بیرگن گپلر توغیر ایمس. مینگه کوره، بیریلگن گزارشلر 2002 نچی و 2003 نچی ییللرده تیگیشلی و منطقه سی هم بیللی ایمس. اما بو که سونگی وقت لرده بیز پوسته لریمیزنی پاکستانگه بیرگن میز دیگن گپلرنی هم قتیغ قاره له یمیز."

ننگرهار نینگ گوشته تومنی افغانستان جنوب شرقی نی دیورند چیزیغی طریقی دن باغله یدی.

پاکستان وافغانستان چیگره چی لری آره سیده اوتگن هفته یوز بیرگن اوریشلرده بیر افغان پولیسی هلاک بولدی و ینه اوچ کیشی هم یردار بولدی.

افغانستان و پاکستان نینگ چیگره قیینچیلیک لری ینگی بیر مسئله ایمس، اوتمیش لرده هم بو مسئله اوچون هر ایککله مملکت آره سیده گی مناسبت لر یمان تمانگه کیتیب، پاکستان تمانیدن کنر ولایتی ده اوقلر آتیلیشی بیلن هم بو مناسبت لر تاباره منفی تمانگه کیتدی.

بیر قنچه کوزه توچیلر، دیورند چیزیغی نینگ کیله جگی تعیین بولیشی، چیگره قیینچیلیک لرینی حل ایتیشیگه امید بیلدیره دیلر اما جمهور رییس حامد کرزی دیورند خطی نی هیچ بیر زمان رسمی شکلده تانیمس لیگی اوستیده تاکید له گن.