ايكوتشكيلاتي، افغانستان ده تورت تيمير يول لايحه سيني باشله يدي

Image caption اوشبو يول ايران و افغانستان دن اوتيب تاجيكستان وشونينگ قزاقستان گه باره دي.

ايكو تشكيلاتي افغانستان ني باسيب اوته ديگن بيرنيچه تيميريول ساحه سيده تورت لايحه ايشي باشله شي حقيده گپيرگن. اوشبو يول ايران و افغانستان دن اوتيب تاجيكستان وشونينگ قزاقستان گه باره دي. اوشبو تشكيلات مسووللري، لايحه 40 ميليارد دالرخرجت كوته ره دي. ايكو تشكيلاتي مسووللري نينگ ايتيشيچه، اولربيرينچي لايحه ني تيمر يول قوريش ساحه سيده باشلب، اوشبو يول ايران، افغانستان و كيينچه ليك تاجكستان، قزاقستان و كاشغرگه ييتيب باره دي. تشكيلات رييسي الطاف اصغر، شونينگ ديك، ايران دن هرات ولايتي گچه 400 كيلومتر مسافه ده آسيا ترقيات بانكي ياردمي بيلن تيمير يول قوريليب كيلگني ني ايتدي. اونگه گه كوره، افغاستان ايچكريسيده هم 300 كيلومترليك تيميريول قوريليب، اونينگ تخنيكي و مالي خرجتلري آسيابانكي تمانيدن توله نيله دي. او شونينگديك، ايران دن قيرقيزستان گه تمان تيمير يول ايجاد ايتيليشي باره سيده گپيريب، اوشبو لايحه ايكيني لايحه بولگني ني تاكيدله دي. او، اوشبو لايحه لر ده هرات و شيرخان بندر ده معما موجود ليگي ني ايتييب، اوشبو ايكي منطقه ني بير بيراوي بيلن باغله نيشي ضرورليگي ني ايتدي. او، پاكستان دن افغانستان گه تمان تيميريول قوريليشي ممكنلي ني ايتيب، بوحقده افغانستان دولتي بيلن كيليشيب آلگن دن سونك، ايش باشله شيميز ممكن ديييدي. اصغر جنابلري شونينگ ديك، پاكستان نينگ چترال منطقه سيدن افغانستان، تاجكستان و قرقزستان ني باغله يديگن تيمير يول قوريليشي ريجه لنگني ني معلوم قيليب، اوشبو يول بوتون مركزي آسيا مملكتلري ني بير بيراولري بيلن باغله شي ممكنليكي باره سيده تاكيدله دي. اونگه كوره، اوشبو مركزي آسيا مملكتلري نينگ علاقه لري تامينلنيشي اوچون قيسقه بير يول صفتيده خذمت قيله دي. اونينگ ايتيشيچه، ايكو تشكيلاتي مذكور يول لرني قوريش بيلن، توركيه گه يول آچيب، اوشبو مملكت لرنينگ تجارت توارلري انه يوللر آرقه لي دنيا باشقه مملكتلر يگه ييتكزيليشي كيره ك. اونگه كوره، اوشبو تشكيلات، بوحقده تمانلر بيلن كيليشوو نامه امضالشگه حركت قيلماقده. اصغر جنابلري، جاري ييل جريانيده مذكور لايحه لر دن بيرقطاري نينگ ايشي باشله نيشي ممكنليكي ني ايتيب، اوشبو لايحه لر 40 ميليار د دالر خرجت كوته ريشي تخمين قيلينگن ديدي. اونينگ معلوم قيليشيچه، اوشبو لايحه لر، بير خلق ارا كيليشوونامه اساسيده عملگه آشيريله دي و بوحقده مذاكره لر باشلنگن. او، اوشبو ساحه ده گي موجود قيينچيليكلر گه توخته ليب، ايريم مملكت لرنينگ اوز ارا مناسبتلري يخشي بولمه گني، معمالردن بيري ديب توصيفله دي. او، هنوزگچه پاكستان اوشبو كيليشوونامه ني قبول قيلمه گني ني ايتب، بو باره ده پاكستان بيلن صحبتلر دوام ايته ياتكني ني تاكيدله دي. ايكو تشكيلاتي ، 2014 ييلده افغاسنتان ني چيت ايل كوچلر ي ترك ايته ياتگني گه قره مه ي، قطار لايحه لرني يولگه قويماقده، اوشبو تشكيلات اعضالري گه كوره، تشكيلات هر پيتده افغانستان ني بير اعضاسي صفتيده اوشبو مملكت گه ياردم قيليشگه حركت قيله دي.