ایرانده گی افغان محبوسلری انتقال بیریلیشی کوتیله دی

معلومات لرگه کوره،افغانستان وایران عالی محکمه لری ایرانده بولگن افغان محبوسلری و افغانستان ده بولگن ایران محبوسلرینی انتقال بیریش ریجه سی تیزلشتریلیشیگه قرار قیلگنلر.

ایران خبر یتکزوچی ایرنا آژانسی گه کوره بو بیتم بوندن نیچه کون الدین افغانستان وایران عالی محکمه رییسلری آره سیده امضالنگن.

مذکور کیلیشوو بیتم اساسیده یقین کیله جکده افغان محبوسلری نینگ بیرینچی گروهی افغانستان گه انتقال بیریلیشی ایتیله دی.

ایرانده گی افغان محبوسلرینی افغانستان و ایران محبوسلری نینگ ایرانگه انتقال بیریش اوچون کیلیشوو بیتمی بوندن افغانستان و ایران حکومت لری آره سیده امضالنگن ایکن.

آنه شووبیتم اساسیده ایکی اولکه عالی محکمه رییسلری ایرانده ملاقات اوتکزیب محبوسلرنی انتقال بیریش اوچون امضالنگن بیتم عملی بولیشگه کیلیشگن لر.

بوندن بیرنیچه کون آلدین افغانستان عالی محمکه رییسی قوشیمچه بیرگروه هیات عینی موضوع اوچون ایرانگه سفر قیلگنی ایتلگندی.

ایران نینگ ایرنا خبر آژانسی سی نینگ بیرگن معلوماتیگه کوره، افغان محبوسلری نینگ بیرینچی گروهی یقین کیله جکده افغانستان گه انتقال بیریلیشی نظرده توتیلگن.

شونینگدیک ایران محبوسلرینی هم ایرانگه آلیب کیتیلیشی تاکیدلنگن،اما بو ریجه انیق قچان عملی بولیشی حاضرگه قدرهم بیللی ایمس.

افغانستان عالی محکمه سی، محکمه باشلیغی قوشیمچه بیرگروه هیات عینی مسله اوچون ایرانگه سفر قیلگنینی تصدیق لب بیراق بوخصوصده معلومات بیریشدن باش تارتدی .محکمه مقاملریگه کوره اولر سفر نتیجه سی باره سیده حسابات تیارلهماقچی.

افغانستانده ایش سیز لیک معماسی باعث اکثر یاشلر ایش قیدیریب ایران و پاکستان قره ب یول آله دیلر، لیکن ایرانده مهاجربولگن کوپلب افغانلرنی مخدر ماده و تورلی خیل جرملرگه عیبله نیب ایران حکومتی تمانیدن حبسگه آلینیشی همده اولردن بیر قنچه سینی اعدام ایتلگنی قطار خواطرلرگه سبب بولگن، بیراق ایرانده انیق قنچه افغان مهاجرلری قماقخانه ده بولگنی وقنچه سی اعدام جزاسیگه محکوم ایتلگنی معلوم ایمس.