خانچارباغ تومنیده طالبان هجومیده اوچ کیشی قربان بولگن

فاریاب ولایتی نینگ ترکمنستان بیلن چیگره داش بولگن خانچارباغ تومنیده، طالبان تمانیدن اویشتریلگن پیستیرمه ده اوچ کیشی هلاک ایتیلگن و ایکی کیشی هم تن جراحتی آلگن.

یره لنگن شخص لردن بیری اوتمیشده محلده قوماندانلیک قیلگن جوره ناملی شخص بولیب اندخوی تمانیدن خان چار باغ قره ب کیته یاتگن بیر پیت قوراللی لر هجومیگه توتیلگن.

هلاک ایتیلگن لردن بیری محلی پلیس چوکاتیده فعالیت آلیب باررایکن. هلاک بولگن باشقه ایکی شخص تینچ فقرا بولگنی ایتلماقده.

حادثه ده هیچ کیم قولگه آلینمه گن حادثه یوزه سیدن تیکشروو ایشلری باشلنگن،یره لنگن شخص دوالش اوچون شبرغانده گی کسلخانه لردن بیریده آلیب باریلگن.

خان چارباغ تومنی نینگ پلیس باشلیغی غنی خان راسخ، بو تومنده طالبان فعالیتی بولمه گنینی ایتیب بیراق باشقه ناتینچ منطقه لردن طالبان کیلیب بو هجومنی اویشتیرگندیب فکر بیلدیرگن.

شو نیچه ییل جریانیده خان چارباغ تومنی فاریاب ولایتی نینگ اینگ تینچ تومنلریدن بیری حساب لنه دی. لیکن سونگی پیتلرده طالبان فعالیتی کوزه تیله یاتگنی ایتیله دی.

بوندن بیرنیچه کون آلدین بو تومن بیلن چیگره داش بولگن اندخوی تومنیده هم پارتلش یوزبیریب، نتیجه ده اندخوی پلیس قوماندانی داخل توقیز کیشی یره لنگن ایدی.