فاریابده ایکی مهندس قوراللی لر تمانیدن اوغیرلنگن

سه شنبه کونی بلچراغ تومنیده قوراللی طالبان يول قوريش پروژه سی خادم لریگه هجوم قیلیب، بیرینچیدن اولرنی کلتکلب وکیین ايسه، اولردن ایکی مهندسي نی هم اوزلری بیلن آلیب کیتگنلری ایتیله دی.

بلچراغ محلي رسمی لري، آلیب کیتیلگن مذکورایکی مهندس کابل وغزنی ولایت لری نینگ یشاوچی لریدن ايكني ني ايتگنلر.

شونینگ محلی رسمیلری، کلتکلنگن "همکارناملی" نا دولت تشکیلات نینگ يول قوريش خادم لری احوالي آغير ايكنليگي ني دن خبر بيرگنلر. اولرگه كوره، ضررلنگن خادملر ميمنه شفاخانه سيگه ييتكزيلگن

حادثه ده، مذكور تشکیلات گه تیگیشلی کاماز رسوملي ایکكی نقلیه واسطه سي هم، قوراللی طالبان تمانیدن اوتگه يانديریلگني ايتيله دي.

بلچراغ خوفسيزليك مسووللري، بير نفر قوريقچي واقعه ده قولي بولگنليكده عيبلنيب، حبسگه آلينگني ني ايتگنلر.

معلوماتلرگه کوره، قوراللی طالبان تمانيدن آلیب کیتیلگن ایکی مهندس ایسه، گرزیوان تومنی نینگ غولبیان قیشلاقیده سقلنه یاتگنی ایتیله دي.

یقینده "همکارتشکیلاتی" بلچراغ تومنیده 10 کیلومترمسافه لي یول نینگ تاش توشش لایحه سی ني عملگه آشيريشگه باشله گن ايدي.

فاریاب ولايتي رسمی لری، بوندن آلدين مذكور لایحه نی عملگه آشیره دیگن همکارتشکیلاتی دن خوفسيزليك معمالر سبب، ميمنه ده مركزلشيشي ني تكليف قيلگنلر. اما اولر اوشبوتکلیف گه اعتبارقره تمه ي، تومن نینگ توخلمس قیشلاقیده مرکز آچيب، ايش گه باشله گنلر.

هلی گچه قوراللی لر، مذكور انجنیرلرنی آليب كيتيش دن مقصد نيمه بولگني ني باره سيده بيرار نرسه ديمه گنلر، اما فاریاب رسمیلری، اوتمیشده بیرنيچه کیشی لر قوراللی لر تمانیدن آلیب کیتیلیشی دن مقصد، نادولت تشکیلات لرگه ایشله مسلیک تهدیدی و اوشبو يول دن پول قولگه كيريتيش بولگني ني تاكيدله ماقده لر