مهاجرت تشکیلاتی: گروهی هجوم آلدین دن پلانلشتریلگن ایکن

خلق ارا مهاجرت تشکیلاتی نینگ مسووللری، اوشبو اداره گه اویشتریلگن گروهی هجوم آلدین دن پلانلشتریلگنینی اورغولب، عصیانچیلر قصدی شکلده مذکور اداره نی نشانگه آلگندیب فکربیلدیردیلر.

حاضرگی کونده بیرلشگن ملتلر تشکیلاتی قوشیمچه، بیرقنچه خلق ارا تشکیلات لر تورلی بولیم لرده افغانستان بویلب فعالیت الیب بارماقده، اولردن بیری هم خلق ارا مهاجرت تشکیلاتی، بو تشکیلات کابل شهری نینگ مهم منطقه لریدن بیریده جایلشگن،لیکن جمعه کونی عصیانچی لرنینگ گروهی هجومی بیلن دوچ کیلدی.

خلق ارا مهاجرت تشکیلاتی نینگ مسووللری بوکون مطبوعات انجمنی یولگه قوییب، هجوم آلدین دن پلانشتریلیب قصدی شکلده اویشتریلگنینی تاکیدلب چیقدیلر.

اولرگه کوره؛ هجومچیلرنی قندی مرکز بناسیگه کیریشی وقیسی مکانلرنی نشانگه آلیشلری هجوم نینگ آلدین دن پلان لشتریلگنیدن دلالت ایته دی، اما مذکور تشکیلات نینگ کابلده گی مسوولی ریچارد دانزیگر، بوتشکیلات مرکزیگه نیگه هجوم اویشتیریلگنینی انیق بیلمه یشینی ایتدی:"جمعه کونی اویشتیریلگن گروهی هجومدن اصلی مقصد خلق ارا مهاجرت تشکیلاتی بولگنی انیق لندی، هجوم آلدین دن پلانلشتریلگن ایکن، عصیانچیلر قندی هجوم قیلیشی بیز نینگ دفتری میزنی قیردن نشانگه آلیشلرینی یخشی بیلرایدیلر."

شونینگ دیک دانزیگر جنابلری، حادثه یوزه سیدن بیرلشگن ملتلر تشکیلاتی و افغانستان حکومتی تمانیدن قوشمه تحقیقات آلیب باریلیشینی ایتدی.

شونگه علاوه اوشبو تشکیلات مسوولی بوکبی هجوملر اولرنینگ فعالیتلریگه منفی تاثیر قالدیرمسلیگینی اورغوله دی:"ایرته دن باشلب بیزنینگ فعالتی میز قیته دن باشله نه دی، یوزده یوز هم بولمه سه ، فعالیتی میز گه دوام بیره میز، شوندی تروریستی عمللر بیزنینگ فعالیتی میزنی توخته ته آلمیدی."

طالبان عصیانچیلری هجوم دن سونگ بیر بیانات ترقه تیب هجومدن مقصد امریکا استخبارات اداره سی نینگ مرکزلردن بیری بولگنینی ادعا قیلگن ایدیلر.

جمعه کونی عصیانچیلر و افغان امنیتی کوچلر آره سیده توقنه شوولر ساعتلرچه دوام تارتدی، مذکور گروهی هجومده بیر پلیس ایکی تینچ فقرا هلاک بولدی،همده خلق ارا مهاجرت تشکیلاتی نینگ تورت ایشچیسی و بیش قوریقچیسی داخل اون توقیز نفر یره لندی.

باشقه تماندن مذکورهجومده بیرلشگن ملت لرتشکیلاتی نینگ خادملریدن بیری هم اوشبو هجومده یره لنگنی معلوم قیلینگن.

خلق ارا مهاجرت تشکیلاتی قریب ییگرمه ییلدن بیری افغانستان ده فعالیت آلیب بارماقده؛ قاچقینلر و اوی جایلرینی ترک ایتگن عایله لرگه یاردم بیریش اوشبو تشکیلات نینگ اساسی فعالیتلریدن عبارت.