پنجشیرده عصیانچیلر تمانیدن گروهی هجوم اویوشتیریلدی

بوگون ايرته لب بير گروه خودكش هجومچي پنجشير ولايتي بناسي گه كيريب هجوم اويوشتيرگنلر، اما ايچكي ايشلروزيرليگي، اولر و خوفسيزليك كوچلري ارا روي بيرگن قيسقه آتيشمه دن سونگ، برچه لري نابود قيلينگني ني ايتدي.

پنجشیر ولایت مقاملریگه کوره هجومچلر یتتی کیشی بولیب ، اولر وپلیس کوچلری اره سیده یوزبیرگن توقنه شووده هجومچیلر و بیر پلیس هلاک بولگن. شونینگ دیک تورت پلیس هم یره لنگن.

پنجشیر ولایت حاکمی سوزچیسی عبدالکبیر واثق بی بی سی بیلن بولگن صحبتیده، یتتی هجومچی ایریم دولتی اداره لر بناسیگه هجوم قیلگینینی ایتدی" اوتگن کیچه ساعت اوچ اطرافیده، یتتی هجومچی ولایت بناسیگه هجوم اویوشتیردی."

اونینگ ایتیشچه هجومچیلردن بيري اوزيني پارتله تيب يوبارگن دن سونگ، باشقه بیبش ته سي، ولایت و پلیس قوماندانلیگی بنالریگه هجوم قیلگنلر. همده ولایت حاکمی گه کوره، هجومچیلردن بیری محلدن قاچیب، پلیس یقین لشگن پیتی اوزینی پارتله تیب یوبارگن .

شونینگ دیک پنجشیر ولایت مقاملری برچه هجومچیلر پلیس کیمیده بولگنینی ایتگن.

معلومات لرگه کوره اوشبو گروهي هجوم عاقبتيده ولايت بناسي اوتگه يانگن، اما تيزليك بيلن يانغين اوچريلگنی ایتیلگن.

طالبان سوزچيسي قاري يوسف احمدي، اولرنينگ خودكش هجومچيلري ولايت بنا سيگه كيريب، سيكيز قوريقچيسي ني اولديريب، توقنه شوو حاضرگه قدر دوام ايته ياتگني ني ايتگن.

او شونينگ ديك، مذكور هجومده ولايت بنا سي ايچيده گي بيرقطار مهم شخصلر قتل ايتيلگنليگي ني معلوم قيلگن.