اهالی سانینی اورگه نیش قانون لایحه سی نینگ ایریم بندلری تصدیق لندی

اهالی سانینی اورگه نیش قانونیده قوم، تخلص، دین،آلدینگی کیم لیک حجت رقمی نی الکترونیکی کیم لیککه کیردیریش وکوچمنچی لر اوچون کوچمسلیک اتمه سی نی کوپیتیریش ایسه اولوسی جرگه نینگ بوکونگی یغینیده جدی قرشیلیک لرگه سبب بولدی.

ایکی قرمه قرشی مساله اوستیده چیققن شاوقین وجنجاللرایسه قوم ودین مساله لری کیم لیک حجت لرده کیلتیریلیشی وکیلتیریلمسلیگی ایدی.

ایریم ملت وکیللریدن ایریم لری بو ایکی مورد نینگ الکترونیکی کیم لیک یوزیده قید ایتیلیشی نی معلوم قیلدیلر.

"اگر بو قانون تصدیقله نیب جاری ایتیلسه، افغانستان خلقی گه کتته منفعت آلیب کیله دی. بوندن آلدین ساخته کارلیک بیلن بیرکیشی اونته کیم لیک حجت گچه آلیش گه قادر ایدی. بونینگ آلدی آلینه دی.قوشنی مملکتلر وطنداشلری کیلیب، باشقه آتگه کیم لیک حجت آلیش لری هم آلدی آلینه دی. قیلینه دیگن ساخته کارلیک لرنهایه تاپه دی. خلق سانی انیقله نیشی اوچون کوپ مهم دیب بو دولت اوچون هم بیر کتته یوتوق دیر، بوندن آلدین بوکبی امکانیت گه ایگه ایمس ایدیک" دییدی ملت وکیللریدن بیری.

اما ایریم لر بونگه قرشی چیقدیلر، نهایتده بوایکی موضوع ایسه آوازگه قوییلدی.

ملی کینگاش باشلیغی عبدالروف ابراهیمی وکابل ولایتی نینگ وکیلی شکریه بارکزی لر، افغانستان اسلامی اولکه بولگن حالده، اهالی نینگ دینی انیقلنگن دیب بونی الکترونیکی کیم لیک که کیردیریش گه احتیاج یوق لیگی نی تیل گه آلدیلر.

اما بو فکربیرقطار ملت وکیللری نینگ قرشی لیگی گه سبب بولیب، نتیجه ده دین مساله سی الکترونیکی کیم لیک بیتیده کیردیریلیشی تصویب ایتیلدی.

بوحالت ایسه ییغین نی اوزه یتیریب نتیجه ده بیر قنچه وکیللرجلسه نی ترک ایتیب وایکی ماده تصویب ایتیلیشی اوچون کیره کلی آوازقالمه دی.

بیرنیچه آی جریانیده پارلمانده کیم لیک حجت قنده ی بولیب چیقیش مساله سی تصویب ایتیلیشی جنجاللی مساله لردن بیری ایدی، بوایسه الکترونیکی تذکره نی ترقه تیشی نی آرتگه توشیریب قویدی.

هلی گچه، افغانستان اهالی سی نینگ سانی، قنچه کیشی ایکن لیگی معلوم ایمس،

اما بیریلگن رقم لرتخمینی بولیب،بوقانون تصویب ایتیلیشی بیلن افغانستان خلقی نینگ سانی نی قنچه ایکن لیگی نی اورگه نیش گه زمینه یره تیلیشی کوتیله دی.