فاریابده 5عصیانچی اولیب یاره لنگن

Image caption عین حالده یوزلب عایله لراوروش آره سیده قالگن لری سبب اوز اوی جایلریدن هم ایریلگن ایدیلر.

فاریاب رسمی لری گه کوره، بوحادثه سه شنبه کونی کیچقرونی قیصار تومنی نینگ خواجه کینتی منطقه سیده جایلشگن بیراویده یوزبیرگن.

اولیب یاره لنگن لرطالب لرایسه ماین پارتله شی سبب هلاک بولگن لری ایتیله دی.

بو ولایت نینگ رسمی لری اولیب یاره لنگن 5قوراللی دن ایکیته سی هلاک ایتیلیب وقالگن اوچته سی هم یره لنگنی نی ایتماقده لر.

فاریاب ولایتی نینگ پولیسی قوماندانی سوزچیسی سید مسعو یعقوبی گه کوره، یوزبیرگن پارتلشده، هلاک ایتیلگن لردن بیری ملاسنگین ناملی شخص بولیب یول یانیده جایلشتیره دیگن ماین لرنی تیارلش قابلیتی گه ایگه بولگن.

یعقوبی جنابلری گه کوره، دولت کوچلری تمانیدن بوندن بیرنیچه کون آلدین طالب لرتصرفیگه اوتگن خواجه کینتی منطقه سی نینگ قیته آلیش اوچون چاره کوریلگن.

معلومات لرگه کوره، بوندن ایکی کون آلدین خواجه کینتی منطقه سی نینگ بیرقسمی طالب لرنظارتی گه اوتیب بیرنیچه محلی پولیس هم بو گروه قولیگه توشگن ایدی.

بومنطقه ده، اونلب قوراللی لرتمانیدن هجوم آستیده قالگن محلی پولیس لر، اوزقرارگاه لریده، توختب اوروش قیلیش گه تاب کیلتیره آلمی، کیینگه قیتیشلری بیلن بو منطقه ایسه طالب لرقولیگه توشگنی ایتیله دی.

خواجه کینتی منطقه سی بوندن بیرنیچه هفته آلدین هم طالب لرتصرفیگه اوتیب، عصیانچی لربیلن دولت کوچلری آره سیده یوزبیرگن توقنه شووعاقبتیده ایکی تاماندن اونلب کیشی اولیب یاره له نیب بیرقنچه محلی پولیس ایسه قوراللی لرتمانیدن توتقونگه آلینگن ایدی.

عین حالده یوزلب عایله لراوروش آره سیده قالگن لری سبب اوز اوی جایلریدن هم ایریلگن ایدیلر.

دولت کوچلری یولگه قویگن تازه لش حربی عملیات لری دن کیین اوشبومنطقه ایسه قیته دولت اختیاریگه اوتیب قوراللی لرایسه منطقه نی ترک ایتیشگه مجبوربولگن ایدیلر.

بوندن بیرنیچه کون آلدین هم طالب لرتمانیدن عملگه آشیریلگن هجوم عاقبتیده بو ولایت نینگ گرزیوان تومنی گه تیگیشلی پولیس قرارگاه لریدن بیری طالب لرتمانیدن باسیب آلینگن ایدی.

سونگی پیت لرده مملکت نینگ بیر قطار حدودلریده طالب لرنینگ گروهی هجوم لری کوپراق عملگه آشیب بیرقنچه قیشلاق لرنی اوز نظارت لریگه آلیب فعال بولیش لری، اهالی نی تشویش لرینی آشیریب و میلادی 2014 ییلده خارجی لر چیقیش لری بیلن مملکتده وضعیت یمانلشه دی دیگن تخمین لرنی کوچیتیرماقده.

Бу мавзуда батафсилроқ