آلمان 2014 ییلدن 8 یوز حربیسی نی افغانستان قالدیره دی

آلمان دولتی میلادی 2014 ییلدن سونگ، افغانستانده گی عسکرلریدن 800 ته سینی اوشبو مملکتده قالدیریشی ممکنلیگی نی ایتگن.

بوگون افغانستان گه سفر قیلیب، کابلده اوزی نینگ افغان همکسبی بیلن بیر مطبوعات ییغینده نطق سوزله گن آلمان تشقی ایشلروزیری گیدو وسترویله نینگ ایتیشیچه، مذکور کوچلردن یریم پایتخت کابل و قالگنی ایسه، مملکت شمالیده قالیشی ممکن.

او، ینه بیر بار کابل ـ بیرلین ارا همکارلیکلر کوچیشی باره سیده تاکیدله گن.

آلمان نینگ اوشبو یوقاری لوازملی رسمی سی اوزی نینگ افغانستان گه قیلگن بوگلده گی سفریده، عسکرلریدن بیرتعدادی افغانستان ده قالیشی ممکنلیگی باره سیده گپیردی.

اونینگ ایتیشیچه، 2014 ییلدن سونگ آلمان عسکرلریدن 600 دن 800 ته سی افغانستانده قالیب؛ اوشبو مملکت ده ترقیات و برقرارلیک تامینلنیشیده یاردم بیریشی ممکن.

او، افغانستان جمهور رییسی حامدکرزی بیلن اوتکزگن ملاقاتدن سونگ، افغانستانلیک همکسبی زلمی رسول بیلن بیر خبری انجمنده ینه بیر بار اوز مملکتی 2014 ییلدن سونگ اوشبو مملکت نی حمایه ایتیشی باره سیده تاکیدله دی:"بیز 600 دن 800 ته عسکرنی اوشبو مملکت ده رواجلنیش و برقرارلیک تامینلنیشی گه یاردم بیریش اوچون افغانستانده قالدیریش گه تیارمیز. اوشبو کوچلر کابلده قالیشی ممکن، اما شمالده هم بیرقطار مسوولیتلرنی بجریشی اوچون بیز تیارگرلیک آلگن میز".

وستر ویله جنابلری اوشبو انجمندن آلدین جمهور رییس کرزی بیلن اوتکزگن اوچره شوویده تینچلیک تامینلنیشی جریانی، سیلاولر ومیلادی 2014 ییلدن کیین افغانستان ـ آلمان ارا علاقه لرنی محاکمه قیلگن.

اونگه کوره، آلمان 2014 ییلدن سونگ، افغانستان نی قیته قوریش، قانون ایشگه سالینیشی، مدنی جماعه چیلیکنی حمایه لش و اداری فساد گه قرشی بولیملرده قوللب قوتله شی نی ممکن.

او، ایرته بلخ گه سفر قیلیب، مزارشریف خلق ارا هوا قونلغه سی و آلمان باش قونسیلی نینگ اوشبو ولایت ده آچیلیش مراسمیده اشتراک ایته دی.