گرجستان مدافعه وزیری افغانستانگه سفر قیلگن

گرجستان مدافعه وزیری، 7حربی سی افغانستان جنوبیده جایلشگن هلمند ولایتیده هلاک بولگن بیرپیتده افغانستانگه سفرقیلگن. گرجستان مدافعه وزیری، ایراکلی آلاساتیا کوتیلمه گن بیرسفربیلن افغانستان گه کیلیب، هلمند ولایتی نینگ نوزاد تومنیده عملگه آشیریلگن هجومده یره لنگن حربی لر بیلن اوچره شدی.

اسوشتیدپرس خبرآژانسی نینگ بیرگن معلوماتیگه کوره، گرجستان مدافعه وزیری افغانستان مدافعه وزیری بسم الله محمدی بیلن قوراللی مخالفلر تمانیدن عملگه آشیریلگن هجوم باره سیده سوزلشگن. پنچشنبه کونی توشدن کیین، بیر نفرخودکش هجومچی پارتلاوچی ماده دن توله بولگن بیر نقلیه واسطه نی خارجی کوچلرنینگ حربی قرارگاهی گه قرشی پارتلتگن ایدی.

آیساف اوشبو واقعه ده 7 گرجستانلیک حربی نی هلاک ایتیلگنی نی تصدیقله گن. آیساف تمانیدن نشرایتیلگن خبرنامه ده کیلتیریلیشیچه، افغانستانده ناتو کوچلری باش قوماندانی اوتگن کون یوزبیرگن واقعه ده گرجستانلیک عسکرلرگه تلفات ییتکزیلگنی خصوصیده افسوس بیلدیرگن.

گرجستان مدافعه وزیری، پنجشنبه کونی یوزبیرگن واقعه ده گرجستانلیک 9حربی هم یره لنگنی نی معلوم قیلگن. شونینگ دیک ایراکلی آلاسانیا هلمند ولایتیده گی "بسشن" کمپی گه یره لنگن حربی لر بیلن اوچره شگن. آیساف گه کوره، افغانستانده گی گرجستان حربیلریگه ییتکزیلگن تلفات، اوشبو کوچلرنینگ مملکتده گی فعالیت لریگه هیچ قنده ی تاثیر اوتکزمه یدی.

حاضرگی کونده،1500 گرجستانلیک عسکر افغانستانده فعالیت آلیب باریب، ناتو رهبرلیگیده کته سانده خذمت قیله یاتگن مملکت لر جمله سیدن حسابلنه دی. 2004 ییلدن بیری حاضرگچه افغانستانده گرجستان اوزی نینگ 30 عسکرینی قولدن بیرگن. اوتگن آی هم، هلمند ولایتی نینگ موسی قلعه تومنیده، عملگه آشیریلگن هجومده گرجستانلیک اوچ عسکرهلاک ایتیلگن ایدی. گرجستانلیک حربیلری نینگ اکثریتی، ناتینچ حسابله نیب کیلگن مملکت جنوبیده گی ولایت لرده جایلشگن لر.