" ناموسی قتللر وجنسی تجاوز حاللری آرتیب بارماقده"

افغانستان انسان حق لرینی سقلش مستقل کمیسیونی بومملکت نینگ 16 ولایتیده آلیب بارگن، ایکی ییل لیک تحقیقاتی ده، تورت یوزدن آرتیق جنسی تجاوزوناموسی قتل لر عملگه آشیرلگنی نی معلوم قیلگن .ناموسی قتللروآشیب باره یاتگن زوره وانلیک لر آرتیده کوپگینه سبب لربارلیگی ایتیلماقده.

مذکور رقم دن 243 ته سی ناموسی قتل و 163 ته سی جنسی تجاوز دیه کورسه تیلگن. انسان حقلرینی سقلش کمیسیونی جاری وضعیت دن جدی خواطر بیلدیرگن.

عینی حالده بوکبی قضیه لردن قریب یلیک فایزی، بیگانه بیر ایرکک بیلن جنسی علاقه قوریش " زنا" عیبلاو بیلن عملگه آشریلگنی معلوم قیلینگن. شونگه علاوه، جنسی زورلش حاللری هم ایریم پیتلرده ناموسی قتل گه ایله نیشی ایتیلگن.

انسان حقلرینی سقلش کمیسیونی تمانیدن ترقه تیلگن حساباتده یازیلیشچه "بعضا عدلی وقضای اداره لرهم جنسی زورلنگن خاتین قیزلرنی مجرم تانیب جزا بیریلیشگه حکم چیقاره دی."

باشقه تماندن خاتین قیزلرنی اویدن قاچیش حاللری هم ناموسی قتل لرگه سبب بولیشی اورغوله نیب، ناموسی قتللر، خاتین قیزلرنی یقین لری تمانیدن عملگه اشریلیب کیلینه یاتگنی اچیق لنگن.

باشقه تماندن حساباتده یازیلیشچه، جنسی زورلش حاللری نینگ 17 فایزی بو حالت بیلن دوچ کیلگن خاتین قیزلریقین لری، 10 فایزی قوشنیلری، 4 فایز آته لری ایکی فایز ایناغه و اکه لری همده بیر فایز نکاح وکیلی تمانیدن جنسی زورلنگنی اوته خواطرلی دیب کورسه تیلگن.

هرچند دولت ونادولت تشکیلات لراوتگن ییللرده عیاللروباله لرگه قرشی زوره وانلیک لرنی آلدینی آلیش اوچون سعی وحرکت یولگه قوییب کیلماقده لر. افغانستان مستقل انسان حق لرینی سقلش کمیسیونی گه کوره، شوندی حالتلر اوتگن ییللرگه قره گنده کوپیگن.

اما شونگه قره مسدن زورانلیک لرییل مه ییل آشیب باره یاتگنی انسان حقوق فعاللری وعیال لرنینگ تنقید وشکایت لریگه سبب بولیب کیلماقده.

افغانستان انسان حق لرینی سقلش مستقل کمیسیونی گه کوره عملگه آشیریلگن بوزوره وانلیک حالریدن 60 فاییزی گه قانونی معامله بولگن.