تخاربیلیم یورتی استاد و طلبه لری بوگون هم اعتراض بیلدیردیلر

تخارعالی بیلیم یورتی نینگ یوزلب طلبه و اوقیتوچی لری بیلیم یورت نینگ زمین لری ایریم زورمند شخصلرتمانیدن باسیب آلینگنی اوچون نیچه ساعت لیک ناراضی لیک نمایش اوتکزیشدیلر. نمایشچیلر بلندآوازبیلن بقیریب شعارلر بیریب، بیلیم یورتدن شهرگه چیقیب ولایت پارکی گه کیلیب ییغیلدیلر.

یولگه قوییلگن، اوشبو ناراضیلیک نمایشی، بو گون ایرته لب باشلنیب، نیچه ساعتگه قدر دوام ایتدی.

بوندن اون بیش کون آلدین تخارعالی بیلیم یورتی نینگ استادلری همده طلبه لری بیلیم یورت نینگ قریب 8 یوز جریب زمینی زوره وان شخص لرتمانیدن غصب ایتیلگنی اوچون درس لرینی تشلب، اوشبو ییرلرنینگ بیلیم یورتگه قیته ریب بیریلیشینی محلی ملازم لردن طلب قیلگندیلر.

لیکن نمایشچیلر بومدت اوتیشی بیلن محلی ملازملر جدی سعی وحرکت قیلمه گنلری باعث،بوگونگی ناراض لیک نمایشینی یولگه قویگن لرینی تاکیدله یدیلر.

هرچند بو موضوعنی حل ایتیش اوچون محلی ملازملر قریب بیرآی آلدین توقیز اداره مسؤوللری نینگ اشتراکی بیلن بیر کمیسیون ایجاد ایتیشگن ایدیلر، لیکن نمایشچیلر گه کوره، اوشبو کمیسیون هم بو باره ده قنده ی دیر جدی حرکت قیلمه گن.

نمایش یکونیده، مذکور کمیسیون اعضالری قیلگن فعالیتلرینی نمایشچیلر برابریده ایضاح لب، زمینلرنینگ ایرته گچه قیته دن بیلیم یورتگه آلیب بیریشلرینی وعده بیردیلر.

بیراق نمایشچیلر کمیسیون اعضالری نینگ سوزلریگه قره مه قرشی فکرلربیلن یولگه چیقدیلر.

باشقه تماندن بیلیم یورت درگاهی نینگ زمین لری کیم لر تمانیدن غصب ایتیلگنی باره سیده گی سوراققه آچیق بیرجواب تاپیشیگه مؤفق بوله آلمه دیم. چونکه نمایشچیلر ییرلرنی باسیب آلگن شخصلرنی قورالی همده حکومت ملازملری تمانیدن حمایه ایتیلیشی سبب اولردن قورقه یاتگن لرینی معلوم قیلماقده لر.

اوشبو نمایش بوگون توشگچه دوام ایتدی، لیکن نمایشچی لر اگرده ایرته گچه باسیب آلینگن مذکورزمین لر بیلیم یورت گه تعلق تاپمه گن تقدیرده، قیته دن کینگ شکلده ناراضیلیک نمایشی نی یولگه قوییشلری ممکن لیگی بیلن آگاه لنتیرماقده لر.