دینگیز ینه هم افغانلردن جان آلدی

استرالیا حکومتی سوگه باتکن کیمه نینگ اکثر قربان لری افغان وطنداش لری بولگنی نی تصدیق لگن.اوتکن هفته 60 قاچقیننی اندونیزیا دن استرالیاگه الیب باره یاتکن کیمه، هند اوقیانوسی ده سوگه باتکن ایدی .

ایندی بیر هفته اوتکچ استرالیا حکومتی بو کیمه نینگ اکثریولاوچی لری افغان وطنداش لری بولگنی نی دن خبر بیرگن .

آسترالیا قاچقین لر اداره سی نینگ مقاملریدن بیری، اندونیزیا رسمی لریدن قولگه کیریتکن معلومات لریگه اساسا، بو کیمه بیلن سو گه باتکن افغان مسافر لری هزاره قومی دن بولگنی نی آچیق له گن.

معلومات لرگه کوره، حاضر گه قدر بوحادثه قربان لریدن 10 دن کوپراغی نینگ جسد تاپیلگن، اما استرالیا رسمی لری بو قاچقین لر جسدلرینی قیدریش و تاپیش عملیاتی نی توختتگنی دن خبر بیرگن .

استرالیا رسمی لری قیدریش عملیات توخته تیلیشی سبب قاچقین لرنی نا قانونی روشده دینگیز آرقه لی استرالیا گه کیلتیره یاتگن کیمه لر فعالیتی نظارت نی کوچیتیریش نی اورغوله گن.

اما قاچقین لر حق حقوق لریدن حمایه ایتووچی بیرقطار ارگان لر استرالیا حکومتی نینگ بو حرکتی نی تنقیدلب حکومت، قاچقین لر جسد لری نی قیدریش و تاپیش ده ییترلیچه امکانیتی و ظرفیتی یوق لیگی نی تاکیدلشکن .

عین دمده آسترالیا رادیو سی رسمی ویب صحیفه سی ولندن ده نشر ایتیله یاتگن گاردین روزنامه سی بو حادثه ده قربان بولگن لرنینگ اکثری افغانستان ده دوام ایته یاتگن اوروش و ناقرارلیک لرهمده هزاره لرگه قرشی پاکستان ده کوچیب باره یاتگن قومی کیلیشماوچلیک لر باعث اوز اولکه لری نی ترک ایتکن هزاره قومی دن بولگنی نی ایتگن .

هرییلی مینگ لب چه قاچقین لر اوزلری نی آسترلیا گه ییتکزیش اوچون انسان قاچاقچی لریگه پول بیریب اکثرا دینگیز یولی نی تن له یدیلر. بولر آره سیده یوزلب چه افغان لربارلیگی هر دایم ایتیلیب کیلگن .

رسمی معلومات لرگه کوره 2009 نچی ییل دن بویان قریب 600 قاچقین اوزلری نی آسترالیا ده ییتکزیش اوچون کیمه لری سو گه باتگنی سبب جان تسلیم قیلگن لری معلوم بولگن .