عالی محکمه یقینیده یوزبیرگن انتحارهجوم آغیر تلفات قالدیردی

بوگون توشدن سونگ ساعت تورت یریم اطرافیده افغانستان عالی محکمه بناسی نینگ ارقه سیده انتحاری هجوم یوزبیردی . معلومات لرگه کوره، هجومده اینگ آز 17 کیشی هلاک بولگن.

ایتیلیشیچه، هجومچی شخص پارتلاوچی ماده جایلشتریلگن کرولا موترینی محکمه خادملری ایش محلدن چیقه یاتگن پیتی پارتله تگن.

توقیزینچی پلیس حوزه سی نینگ ضابط لریدن بیری روح الله بی بی سی بیلن بولگن صحبتیده مذکور حادثه ده 17 کیشی هلاک و باشقه 48 کیشی یره لنگنینی ایتگن.

یره لنگن لر نینگ اکثریتی حادثه یقنیده جایلشگن وزیر اکبر خان کسلخانه سیگه انتقال بیریلگنی ایتیلماقده.

گواه لردن بیری بی بی سی بیلن بولگن صحبتیده، عالی محکمه خادملری محکمه دن چیقایاتگن پیتی هجوم یوزبیرگنینی ایتدی.

همده اونگه کوره هجومچی، عالی محکمه خادملری بولگن نقلیه واسطه لریدن بیرینی نشانگه آلگن.

حادثه مسوولیتنی طالبان عصیانچیلری اوز بوینیگه آلیب، هجوم عاقبتیده عالی محکمه خادملریدن اونلب کیشی هلاک ایتلگنینی ادعا قیلگن.

هجوم یوزبیرگن منطقه پلیس کوچلری تمانیدن قمره ب آلینگن.

پارتلش یوزبیرگن منطقه افغانستان عامه ساغلیک وزیرلیگی وامریکا ایلچی خانه سی یقینده جایلشگن.