" عیبلنگن ملت وکیللری حاضرگه قدرهم تحقیقات اوچون حاضر بولمه گن"

افغانستان باش قاره لاوچی سی، مالیه وزیری تمانیدن قاچاق ونا قانونی ایشلرگه قوللری بارلیکده عیبلنگن بیش ملت وکیلی نینگ دوسیه لرینی عالی محکمه گه یوباریشدن خبربیرگن. باش قاره لاوچی اداره سیگه کوره اولر، تحقیقات اوچون مذکور اداره گه حضور تاپمه گنی باعث بو قرار آلینگن.

افغانستان باش قاره لاوچی اداره سیگه کوره، عیبلنگن ملت وکیللر نینگ اوشبو اداره گه حضور تاپیشی اوچون اوچ مرته اولوسی جرگه گه مکتوب یوللنگن، لیکن اولوسی جرگه یوباریلگن مکتوب لرنی انابتگه آلمه گن.

شوسبب افغانستان باش قاره لاوچی اداره سی اولر دوسیه لرینی عالی محکمه گه یوباریشینی تکلیف قیلگن، بوحقده باش قاره لاوچی اداره سی نینگ سوزچیسی نصیر عزیزی:"اولوسی جرگه، عیبلنگن ملت وکیللری نینگ تحقیقات اوچون قاره لاوچی اداره سیگه تانیشتریلیشینی ایسته میدی. اولرنینگ قرارلری قانونگه قرشی بیرعمل، شونینگ اوچون بوموضوع عالی محکمه گه تکلیف ایتیلگن ، تا اولرتمانیدن قرار چیقاریلسه . لیکن دوسیه حاضر هم قاره لاوچی اداره سیده بیز عالی محکمه نینگ قرارینی کوتیب تورگن میز، قاره لاوچی تمانیدن یولنگن مکتوب گه جواب بیریلیشی بیلن تولیق معلومات بیره میز."

افغانستان اولوسی جرگه سی، ملت وکیللرییگه قوییلگن عیبلاولرنی تیکشریش اوچون مخصوص بیر کمیسیون قورگن ایدی؛ اوشبو کمیسیون اعضالیگیده بولگن ملت وکیلی عبدالستار خواصی آلیب باریلگن تیکشرو نتیجه سی نیمه بولگنینی شوندی آچیق لب بیردی:"کمیسیون نتیجه سی شو بولدی کی اولر بیزگه عیبلاولر خصوصیده اثبات لاوچی حجت لرنی تاپیش بیره آلمه دی. شو اوچون بوعیبلنگن وکیللر اولوسی جرگه تمانیدن مجرم تانیلمه دی. اگر عیبلاولر حجتلر بیلن آچیقلنسه ایدی، بیز اوزمان ملالی جویا دیک بو وکیللرنی مجلسدن چیتلنتیررایدیک."

افغانستان عالی محکمه سی نینگ تحریرات مسوولی محمد اسماعیل عابد، قانونگه ماس هرقنده ی عیبلنگن مقام اوستیدن تحقیقات اوتکزیش کیره ک لیگینی تاکیدله دی:"قاره لاوچی تمانیدن بیزگه یوباریلگن مکتوبده، عیبلنگن ملت وکیللری تحقیقات اوچون حاضر بولمه گنی ایتیلگن، اولوسی جرگه، عیبلنگن وکیللرنی تحقیقات اوچون قاره لاوچی اداره سیگه یوباره آلمسلیک که قرار چیقارگن. قاره لاوچی اداره سی قانونگه ماس جمهورریسی یاکی ملت وکیلی هرکیم بولسه تحقیقات اوتکزیشگه حقی بارلیگینی معلوم قیلگن بیز ایسه مکتبونی ملی کینگاش گه یوباردیک لیکن جوابی ییتیب کیلمه گن."

شونینگدیک قاره لاوچی اداره سی، مالیه وزیری عمر زاخیل وال تمانیدن ملت وکیللریگه قوییگن عیبلاولری خصوصیده جواب بیریش اوچون مذکور اداره گه حضور تاپگنینی معلوم قیلدی. لیکن اونینگ جوابی نیمه بولگنی خصوصیده معلومات بیرمه دی.

بوندن آلدین، افغانستان مالیه وزیری آلتی ملت وکیل لری نینگ اون قاچاق ایتیش ایچیم لیک الکول کیلتریش و باشقه قطار غیر قانونی ایشلرگه قوللری بارلیکده عیبلب اولر اسملرینی ملت وکیللری حضوریده فاش ایتدی. قاره لاوچی اداره سی عیبلنگن ملت وکیللری حاضرگه قدرهم تحقیقات اوچون مذکور اداره گه کیلمه گنینی غیر قانونی اتب بو موضوع باره سیده قرار آلیشینی عالی محکمه گه تکلیف قیلگن.