کرزی: طالبان اسلام دشمنلریگه خذمت قیله دی

افغانستان جمهور رییسی حامدکرزی سه شنبه کونی کابلده عالی محکمه نینگ

ایشیگی قرشی سیده 17 کیشی نینگ اولیمی و 39 نفرنینگ یره لنیشیگه باعث بولگن خودکش هجوم نی قاره لب، طالبان اوشبو هجوم بیلن اسلام دشمنلری نینگ خذمتیده ایکنلیکلرینی کورستدی دیدی. افغانستان جمهور رییسلیک اداره سی تمانیدن نشر ایتیلگن خبرنامه کیلتیریلیشیچه، افغانستان و اسلام دشمنلری خودکش هجوملر، پارتلش و گناه سیز اهالینی باشینی کیسیش حاللری بیلن اوشبو مملکت نی بیر ناتوان و کمبغل اولکه گه ایلنتیرماقچی. خبرنامه تاکیدلنیشیچه، افغانستان تاریخ بوییچه خارجی باسیملرگه تن بیرمه گن و حاضر هم بیرمسلیگی ممکن. افغانستان جمهور رییسلیک اداره سی گه کوره، اسلام و انسانیت دشمنلری اوتگن یکشنبه کونی قندهار نینگ ژیری تومنیده اون و اون آلتی یشر ایکی باله نینگ باشینی کیسیب تشله گنلر. مملکت جنوبیده گی قندهار ولایتی مسووللری بوندن آلدین قوراللی طالبان ایکی یاش باله نی خوفسیزلیک کوچلری فایده سیگه جاسوسلیک قیلگنلیکده عیبلب باشلرینی کیسگنی نی ایتگن ایدیلر.

کرزی جنابلری بوندن آلدین ایریم حالتلرده طالبان نی خطاب قیلیب، اولردن صلح جریانی گه قوشیلیشلرینی سوره گن ایدی. جمهور رییس کرزی هر دایم طالبانگه نسبتآ ملایم سیاست اوینه یاتگنی، قطار سیاسی گروه لرنینگ تنقیدیگه رو په ره بولیب کیلگن. طالبان عاموی اخبارات واسطه لریگه مکتوب یوللب، عالی محکمه گه قرشی اویوشتیریلگن هجوم مسوولیتی نی تن آلگنلر. اولر اوشبو مکتوبده عالی محکمه نینگ یوقاری لوازملی خادملری مینگن تورت سرویس موترنی نشانگه آلگنلرینی معلوم قیلگنلر. اولر مذکور مکتوبده افغانستان عالی محکمه سی نی فساد و کفرنی رواجلنتیریش مرکزی دیه خطابله گنلر. اولرنینگ مکتوبیده:"افغانستان عالی محکمه سی ظلم استبداد و شونینگ دیک کفرگه رخصتنامه بیریشده اساسی رول اوینه یاتگنلیگی نی ایتگن". ایلکباردیرکه طالبان افغانستان عالی محکمه سینی نشانگه آلماقده لر