ولایتی کینگاشلر قانون لایحه سیده نظارت صلاحیتی کیرتیلمه گنی قرشیلیکلرگه سبب بولدی

افغانستان ولایتی کینگاشلر رییس لری ، اوشبو کینگاش نینگ ینگی قانون لایحه سیده نظارت صلاحیتی کیرتیلمه گنینی قتیغ قاره لب ،مذکور لایحه قیته کوریب چیقیلیشی کیره ک لیگینی تاکیدله دیلر.

آلدینکی قانونده ولایتی کینگاشلرگه محلی اداره لر ایشلرینی نظارت قیلیش همده مصلحت بیریش صلاحیتی کیرتیلگن ایدی. بیراق ینگی قانون لایحه ده نظارت مسله سی آلیب تشلنگن.

بومسله قطار تنقیدلرگه سبب بولگن،افغانستان نینگ تورلی لایت لریدن ولایتی کینگاشلر وکیللری بوخصوصده اعتراض بیلدیریش اوچون بوگون کابلگه کیلگن لر. اولرایسه افغانستان سنا مجلیسی نینگ بوکونگی یغینده بومسله قیته کوریب چیقیش تکلیفی بیلن چیقدیلر.

جوزجان ولایتی نینگ ولایتی کینگاش رییسی عبدالحی حیات، ینگی قانون لایحه سیده عینی مسله کیرتیلیشی کیره ک لیگینی اورغوله دی.

افغانستان محلی ارگانلر اداره سی نظارت قیلیش صلاحیتی ینگی قانون لایحه سیده کیرتیلمه گنینی تصدیق لب، ولایتی کینگاش لر رییسلری نینگ بیلدیرگن فکرلریگه موافق ایکنینی ایتگن.

اوشبو اداره سوزچیسی تواب غورزنگ، ینگی قانون لایحه سیده ولایتی کینگاشلرگه ارتیق صلاحیت بیریلیشی کیره ک لیگینی تاکیدله دی.

تخار ولایتی نینگ ولایتی کینگاش عضالریدن نجیب الله خالقیار، ولایتی کینگاشلردن نظارت صلاحیتی بیریلمه سه، محلی اداره لرده فساد نینگ ارتیب باریشی ممکن لیگیدن خواطر بیلدیردی.

باشقه تماندن ولایتی کینگاش اعضالری قوریقچیلری بولمه گنیدن جدی تشویشده، اولرگه کوره بوندن الدین افغانستان حکومتی ولایتی کینگاش اعضالری نینگ هربیریده بیر قوریقچی بیریشنی قرار قیلگن ایدی، لیکن اولرنینگ ایتیشلریچه افغانستان ایچکی ایشلروزیرلیگی بو قرارنی قبول قیلمه گن.

خوب ولایتی کینگاش وکیللری قوریقچیلری بولمه گنی و امنیتی قینچلیک لردن تشویش بیلدیررایکن، اوتگن نیچه ییلده بیرقنچه ولایتی کینگاش لر وکیللری افغانستان نینگ تورلی منطقه لریده اولدیریلگن.